Astana äkımınen alǧaşqy jaŋalyq. Elordada jolaqy qymbattaidy

1895
Adyrna.kz Telegram
https://adyrna.kz/content/uploads/2024/02/zholaqy.jpg
Astana äkımı qoǧamdyq kölıkte jüru qūnynyŋ qymbattaitynyn aitty, dep habarlaidy "Adyrna" tılşısı. Būl jaŋalyqty qala merı Jeŋıs Qasymbek «Saryarqa» audanynyŋ tūrǧyndarymen kezdesu kezınde aitty. Şeneunıktıŋ sözıne qaraǧanda, eskı baǧa 10 jyl būryn bekıtılgen.
2023 jyly 900 avtobus bolsa, qazır olardyŋ sany 1300-ge jetken. Iаǧni, bız avtobustar sanyn şamamen 40% arttyrdyq. Biyl taǧy 300 avtobus keledı. Negızı halyq sany 1,5 mln bolsa, qyzmet körsetetın avtobustar sany 2 myŋnan asuy kerek. Sondyqtan bız būl mäselenı tezdetıp şeşuge tyrysyp jatyrmyz. Baǧaǧa kelsek, 90 teŋgelık jol aqysy 2014 jyly bekıtılgen. 10 jyl öttı. Osy aralyqta janarmai, gaz, avtobus jürgızuşılerınıŋ jalaqysy östı. Olardyŋ ailyǧy qazır 500-600 myŋ teŋgenı qūraidy. Bızde avtobus jürgızuşılerınıŋ jetıspeuşılıgı bar, mūndai ailyqqa käsıbi mamandardy jetkılıktı mölşerde jaldai almai jatyrmyz, - dedı äkım.
Äkım tūrǧyndar üşın jolaqyny memleket tölep otyrǧanyn da eseptedı.
Bır jolauşynyŋ jüru aqysy, eger elektroavtobus bolsa, 400-500 teŋgenı, gaz ne dizelmen jüretın avtobus bolsa, 240-400 teŋgenı qūraidy, iaǧni äkımdık är azamat üşın 200 teŋge qosymşa tölep otyr. Menıŋşe, 110 teŋge – būl 7-10 jyl būryn köterıluı tiıs baǧa. Bırınşıden, 10 jyl būrynǧy tarif qazır özektı emes, sondyqtan mūndai qadamǧa baruǧa mäjbürmız, - dedı äkım.
Eske sala keteiık, bırneşe kün būryn qoǧamdyq kölıkke syimai, esıkten qūlaǧan äieldıŋ videosy tarap edı.
Pıkırler