Taldyqorǧan qalasyndaǧy Nazarbaev Ziiatkerlık mektebınıŋ oquşylary «E-Kurultay» innovasiialyq jobasymen qalalyq hakaton saiysynda üzdık tanyldy. Önertabys qalalyq mäseleler boiynşa ötınışterdı beru jäne öŋdeudıŋ qarapaiym jäne tiımdı arnasyn ūsyna otyryp, azamattardyŋ jergılıktı özın-özı basqaru organdarymen özara ärekettesuın özgertuge mümkındık beredı.
Qalalyq Hakatonda informatika pänınıŋ mūǧalımı Ravil Ramazanovtyŋ jetekşılıgımen jas innovatorlar Jänıbek Taŋyrys, Kärıma Maqan, Aqarys Bauyrjanūly jäne Abai Jailau öz jobasyn ūsyndy.
On ekı saǧattyq marafon «Aqyldy qala» taqyrybyna arnaldy. Baiqaudy Astana Hub qoldauymen IT Hub Jetisu Digital kompaniiasy ūiymdastyrdy. Üzdık önertapqyştar ataǧyna Taldyqorǧan qalasynyŋ jetekşı oqu oryndarynan, onyŋ ışınde JMU, BİL, 20 lisei jäne basqa da qala mektepterınen 10 komanda baq synady.
Taldyqorǧan NIS oquşylarynan qūralǧan «Game Masters» komandasy Hakaton qorytyndysy boiynşa ekınşı oryndy ielenıp, 150 myŋ teŋge aqşalai sertifikatpen marapattaldy.
Joba är adamǧa munisipaldyq mäselelerdı şeşuge ötınışterdı oŋai jıberuge mümkındık beretın mobildı qosymşa jäne veb-platforma. Ötınımderdı bastapqy öŋdeu üşın jasandy intellekttı engızu olardyŋ taraluyn oŋtailandyruǧa jäne qarau prosesın jyldamdatuǧa mümkındık beredı. Funksionaldylyqqa ötınışterdıŋ küiın qadaǧalau jäne äkımdıkterden kerı bailanys alu prosesterdıŋ aşyqtyǧyn arttyru jäne jauapty qoǧamdy qalyptastyruǧa yqpal etu mümkındıgı bar,— deidı «E- Kurultay» jobasynyŋ avtorlary.Önertapqyştardyŋ aituynşa, «E- Kurultay» qala menedjmentın jetıldıru qūralyn berıp qana qoimai, azamattardyŋ şeşım qabyldau prosesıne belsendı qatysuyn yntalandyrady. Būl tehnologiianyŋ ükımet pen halyq arasyndaǧy köpır qyzmetın atqaryp, qalany basqarudy neǧūrlym aşyq jäne qoljetımdı etetının körsetedı. Eŋ bastysy, ol Memleket basşysy Qasym-Jomart Toqaevtyŋ «Estitın memleket» qūru turaly ündeuıne jauap beredı. «E- Kurultay» jastardyŋ qalany basqarudyŋ bolaşaǧyna qalai äser etıp, onyŋ alǧa jyljuyn qamtamasyz ete alatynynyŋ jarqyn ülgısı bolyp tabylady. Jas önertapqyştardy jäne informatika pänınıŋ mūǧalımı Ramazanov Ravil Ginaiatovichtı laiyqty jeŋısımen qūttyqtaimyz!
