"Äkım boludy qalamaityn" bloger äkımşılık jazaǧa tartyldy

2005
Adyrna.kz Telegram
https://adyrna.kz/content/uploads/2024/02/ff248677-7a7a-4427-a54e-3123932f2994-960x500.jpeg?token=52b17c9b72674fb209f5ff177e58677d

Jetısu oblysynda auyl äkımı kreslosynda video tüsırgen blogerge äkımşılık jaza taǧaiyndaldy, dep habarlaidy "Adyrna" ūlttyq portaly.

Belgılı bolǧandai, ıs Taldyqorǧan qalasynyŋ äkımşılık sotynda qaraldy. Būǧan deiın jelıde blogerdıŋ äkım kreslosynda otyryp alyp, memlekettık jūmys turaly söz söilegen videosy taraǧan bolatyn. Jetısu oblystyq sotynyŋ baspasöz qyzmetı habarlaǧandai, video 20 aqpan künı saǧat 18:00 şamasynda Qarabūlaq auylynda tüsırılgenı anyqtaldy. G. esımdı azamat Eskeldı audany Qarabūlaq auyldyq okrugı äkımınıŋ keŋsesınde otyryp, beinejazbaǧa tüsırıp, Instagram jelısınde basqalarǧa qūrmetsızdık körsetken. «Qūqyq būzuşylyq – ūsaq būzaqylyq polisiia inspektorynyŋ qūqyq būzuşylyqty tırkeu turaly hattamasymen, äkımşılık qūqyq būzuşylyq turaly hattamamen, proseske qatysuşylardyŋ jazbaşa jäne auyzşa tüsınıktemelerımen rastalady. Sot otyrysynda er adam öz kınäsı men qūqyq būzuşylyq jasaǧanyn moiyndap, sottan ony qataŋ jazalamaudy sūrady. Sot G.-ǧa qatysty äkımşılık jazany taǧaiyndau kezınde kınäsın moiyndau men jasalǧan qūqyq būzuşylyqtyŋ sipatyn eskere otyryp, būzaqy 20 AEK (73 myŋ 840 teŋge) mölşerınde äkımşılık aiyppūl türındegı äkımşılık jazaǧa tartyldy", - dep habarlady oblystyq Jetısu sotynyŋ baspasöz qyzmetı. Qauly zaŋdy küşıne engen joq.

"Adyrna" ūlttyq portaly

Pıkırler