Jetısuda balalardyŋ qauıpsızdıgın qamtamasyz etu baǧytynda jaŋa joba qolǧa alyndy. Tärtıp saqşylarynyŋ būl bastamasyn oblystyq bılım basqarmasy men ata-analar bırlesıp qoldap otyr. Būl rette pilottyq joba retınde Tekelı qalasynda ekınşı auysymda oqityn 1-11 synyp oquşylary, iaǧni 2,5 myŋ oquşy jaryq şyǧylystyrǧyş kürteşemen qamtyldy, - dep habarlaidy Jetısu oblysy äkımınıŋ baspasöz qyzmetı.
Oblystyq polisiia departamentınıŋ mälımetıne qaraǧanda, körınu elementterı bar jaryq şyǧylystyrǧyş kürteşeler men kiımder kölık jürgızuşılerdıŋ äsırese köru mümkındıgı naşar jauyndy, tūmandy künderı nemese qaraŋǧy tüsken mezgılde balalardy alystan baiqauyna mümkındık beredı. Sondyqtan polisiia qyzmetkerlerı būl jobany qoldau turaly ūsynysyn mektep oquşylarynyŋ ata-analaryna jetkızgen bolatyn.
Oblystyq bılım basqarmasynyŋ aqparatyna säikes, jyl basynan berı öŋır mektepterınde 1900-dei ıs-şara ötkızılıp, tötenşe jaǧdailardyŋ aldyn alu, joldaǧy qauıpsızdık, alǧaşqy kömek körsetu şaralary boiynşa jadynamalar, taqyryptyq kıtapşalar, kömek körsetetın mekemelerdıŋ bailanys derekterı bar aqparattyq paraqşalar taratylǧan.
- Oblystaǧy bılım beru ūiymdarynda oqu jyly barysynda balalardy jolda jüru erejelerımen tanystyru, jol erejesınıŋ belgılerın üiretu, qauıpsızdık şaralaryn nyǧaitu maqsatynda «Abailaŋyz, balalar!» atty aptalyqtar ötkızıldı. Balabaqşa büldırşınderı men mekteptıŋ bastauyş synyp oquşylaryna «Jol tärtıbın bıleiık, aman esen jüreiık» atty taqyrypta multfilmer körsetılıp, taldau jasaldy. Sonymen qatar polisiia qyzmetkerlerı tarapynan jol qiylystaryndaǧy jol erejelerı boiynşa ekskursiialar ötkızıldı. Sondai-aq atalǧan taqyryptarǧa 5-11 synyptarda synyp saǧattary ötkızılıp, ata-analarmen kezdesuler ūiymdastyryldy, - dedı oblystyq bılım basqarmasynyŋ basşysy Däuren Jünısov.
