«Bala tärbiesı- memlekettıŋ negızgı mındetı». Ejelgı grek filosofy Platonnyŋ qanatty sözı QR «Bala qūqyǧyn qorǧau turaly» Zaŋnyŋ 24-babynda aiqyn körsetılgen. Bas qūjatta «ata-ana nemese basqa da zaŋdy ökılder balanyŋ jan-jaqty damuy üşın qajettı ömır süru jaǧdaiyn jasauǧa, balany dūrys tärbieleuge, ony kütıp baǧudy jüzege asyruǧa mındettı»,-dep jazylǧan.
Qazırgı kezde ūrpaqtyŋ keleşegınıŋ kemel boluy üşın tek bılım-ǧylymmen ainalysuyna jaǧdai jasap qana qoimai, olardyŋ jeke bas qauıpsızdıgı basty nazarǧa alynǧan.
Sonyŋ aiqyn dälelı, Almaty oblysynyŋ bılım salasynda sapany qamtamasyz etu departamentınıŋ memlekettık organdarmen, ükımettık emes jäne basqa da ūiymdarmen balanyŋ qūqyǧyn qorǧau, äleumettık jetımdıktıŋ aldyn alu maqsatynda profilaktikalyq şaralardy jürgızuı.
Jyl basynan berı departamentke balalarǧa qatysty 72 oqiǧa tırkelgen, onyŋ 45-ı äleumettık jelı arqyly kelıp tüsken. Departament tarapynan 27 oqiǧa anyqtalyp, şeşımın tapqan bolatyn. Būl öz kezegınde bala qūqyǧyn qorǧaudaǧy atqarylyp jatqan jūmystardyŋ bır parasy ekenın atap ötken jön.
Özderıŋızge belgılı, 2020 jyldan bastap öŋırlerdegı Ministrlıktıŋ bılım salasynda sapany qamtamasyz etu departamentterıne balalardyŋ qūqyqtaryn qorǧau funksiiasyn üilestıru jūmysy jüktelgen. Memleket basşysynyŋ tapsyrmasyn oryndau maqsatynda Qazaqstan Respublikasyndaǧy Bala qūqyqtary jönındegı uäkıl A. Sainnyŋ bastamasymen Ministrlıktıŋ 2021j. 02.04. №142 būiryǧyna säikes barlyq öŋırdegı Departamentter bazasynda Balanyŋ qūqyqtaryn qorǧau mäselelerı jönındegı monitoringtık top qūrylyp, öz jūmystaryn bastaidy,-deidı Almaty oblysynyŋ bılım salasynda sapany qamtamasyz etu departamentı basşysynyŋ orynbasary Aiymgül Qūlahmetova.Memleket tarapynan baldyrǧandarǧa bölınetın köŋıl jıbı äste üzıler emes. Künı erteŋ bolatyn Halyqaralyq balalardy qorǧau künıne orai, Bılım jäne ǧylym ministrlıgınde20 mamyr - 20 mausym aralyǧynda 8 baǧyt boiynşa «Baqytty bala - baqytty el» respublikalyq nauqany aiasyndaıs-şaralar onlain formatta jalǧasyn tauyp jatyr. Sondai-aq, jyl saiyn balalar eŋbegın paidalanudyŋ aldyn alu mäselelerıne qoǧamnyŋ nazaryn audaru maqsatynda 1-12 mausym aralyǧynda «Balalar eŋbegın paidalanuǧa qarsy 12 kün» Ūlttyq aqparattyq nauqany ötkızıledı. Bügıngı taŋda 1-10 mausym aralyǧynda balalar men jasöspırımder arasynda beineleu jäne sändık-qoldanbaly öner janryndaǧy «Täuelsızdık ūrpaǧy» üzdık art-obekt onlain halyqaralyq suret baiqauy jariialandy. Aita keteiık, oblys kölemınde, mereke künderı «Qūlynşaq» balalar antalogiiasynyŋ tūsauy kesılıp, oblysymyzdaǧy barlyq kıtaphanalar men muzeilerde «Bala - ömır mänı» taqyrybynda ekskursiialar men tanymdyq saǧattar ūiymdastyrylatyn bolady. Sonymen qatar, mädeniet üilerı ǧimaratynyŋ LED ekrandarynda beine-klipter men balalar änderınıŋ körsetılımderın ūiymdastyru jūmystary jürgızıledı.
