Biyl Jetısu oblysynda 152 şaqyrym jol men 53 eldı mekennıŋ ışkı joldaryna jöndeu jūmystaryn jürgızu josparlanyp otyr. Sonyŋ ışınde 5 köpırdı qaita jaŋǧyrtu, 1 köpırdı ortaşa jöndeu, Būrqanbūlaq sarqyramasyna aparatyn 15 km joldyŋ rekonstruksiiasy, «Almaty – Öskemen – Lepsı – Aqtoǧai» jolynyŋ 35-110 km uchaskesınıŋ jaŋǧyrtu jūmystary, eldı mekenderge kıretın joldar, ışkı joldar t.b. jobalar bar, - dep habarlaidy Jetısu oblysy äkımınıŋ baspasöz qyzmetı.
Oblystyq jolauşy kölıgı jäne avtomobil joldary basqarmasynyŋ mälımetıne qaraǧanda, Jetısu oblysy qūrylǧannan berı 2023-2024 jyldary oblystyq maŋyzy bar 391,4 km jol jäne 134 eldı mekennıŋ ışkı köşelerı jöndelgen. Mäselen, 2024 jyly respublikalyq jäne oblystyq maŋyzy bar avtomobil joldary qaita jaŋartylyp, «Taldyqorǧan-Üşaral» (313 km), «Lepsı-Balqaş kölı» (27 km), «Saryözek-Köktal» (45-68 km, Altynemel asuy), «Jarkent-Qorǧas» (328-360 km), «Üştöbe-Köpbırlık» (78 km) baǧytyndaǧy ırı jobalar paidalanuǧa berıldı. Söitıp jaqsy jäne qanaǧattanarlyq jaǧdaidaǧy obylystyq maŋyzy bar avtojoldardyŋ ülesı 94%-ǧa jetkızıldı.
Al biyl öŋırde 152 şaqyrym jolǧa, 53 eldı mekennıŋ ışkı joldaryna jöndeu jasalady dep mejelengen. Kürdelı jöndeu şeŋberınde «Saryözek – Köktal» avtojolyndaǧy Könbe özenınen ötetın jaŋa köpır salu, «Saryözek stansiiasyn ainalyp ötu» avtojolynyŋ jol qūrylymyn küşeitu jäne ūzyndyǧy 21 km (Mūqyry asuy uchaskesı) «Qonaev – Taldyqorǧan» avtojolynyŋ jol jabynyn qaita jaŋartu josparda bar. Sonymen qatar osy jyly «Almaty oblysynyŋ şekarasy - Saryözek kentı» (13 km), «Saryözek – Köktal» (112 km) jäne «Aidarly-Köktal» (15 km) baǧytyndaǧy joldar jelısıne ortaşa jöndeu jūmystary ötken jyldan ötpelı joba retınde jalǧasady.
«Joldardyŋ normativtık jai-küiın saqtau maqsatynda avtomattandyrylǧan ölşeu stansiialary ornatyluda. Oblys boiynşa osyndai 8 stansiia qoiyldy. Olardyŋ 6-y respublikalyq trassalarda, 2-euı oblystyq maŋyzdaǧy joldarda ornalastyrylǧan. Mūndai stansiialar jük kölıkterınıŋ salmaǧyn avtomatty türde ölşep, belgılengen şekten asyp ketpeuın qadaǧalaidy», - delıngen basqarmanyŋ habarlamasynda.
Atap ötsek, ötken jyly öŋırde avtomobil joldarynda 24,0 mln. jolauşy tasymaldanyp, būl körsetkış 2023 jylmen salystyrǧanda 8% juyq ösken. Joldardyŋ sapasy jaqsaruyna qarai biyl da būl körsetkış arta tüsedı dep josparlanyp otyr.
«QazAvtojol» ŪK» AQ aqparatyna süiensek, joldardyŋ kütımı boiynşa öŋırdegı respublikalyq maŋyzy bar qoldanystaǧy 873 şaqyrym jolǧa qysqy kütım jasaldy. Būl jūmystarǧa 72 bırlık menşıktı jäne 10 bırlık jalgerlık tehnika tartyldy. Biylǧy qysqy kezeŋde köktaiǧaqqa qarsy materialdyŋ qajettı qory daiyndaldy. Oǧan qosa aita ketsek, 2023 jyldan tehnika parkın tolyqtyru jūmystary bastaldy, iaǧni bügıngı künı mūndaǧy tehnika sany 59-den 72-ge ūlǧaidy.
Jalpy oblystyŋ avtomobil joldarynyŋ jalpy ūzyndyǧy 3 988 km qūraidy. Sonyŋ ışınde respublikalyq maŋyzy bar – 1 034 km, jergılıktı maŋyzy bar - 2 954 km.
Ūqsas jaŋalyqtar
