Bügıngı Ükımet otyrysynan keiın Densaulyq saqtau ministrı Aqmaral Älnazarova MÄMS jüiesıne bailanysty sūraqtarǧa jauap berdı, dep habarlaidy "Adyrna" ūlttyq portaly.
"Negızı MÄMS jüiesı men medisina salasyna prezident tarapynan tiıstı syndar aityldy. Bız onyŋ bärın qabyldap, soŋǧy üş aptanyŋ ışınde tiıstı saraptamalar jürgızdık. Bız MÄMS pen densaulyq saqtau jüiesınıŋ azamattarǧa ne sebepten medisinalyq kömektı öz deŋgeiınde körsete almai otyrǧanyn zerttedık. Osyǧan bailanysty ısteitın jobalardy bügıngı künı daiyndap jatyrmyz. Onyŋ ışınde zaŋnyŋ aiasyndaǧy keibır dünielerdı özgertu qajet. Sebebı memleket tarapynan kepıldendırılgen jäne MÄMS jüiesı arqyly körsetıletın medisinalyq kömek aralasyp jatyr. Osynyŋ sebebınen halyq, tıptı medisinalyq qyzmetkerlerdıŋ arasynda tüsınıksız mäseleler bolyp jatyr. Osy jaǧdai bölıngen qarajatty tiımsız paidalanuǧa alyp kelıp otyr. Sonddyqtan MÄMS jüiesıne baqylau kerek. Qazırgı taŋda tiıstı jūmystardy bastap kettık. Sebebı MÄMS jüiesı halyqaralyq täjıribede memleketke paidasyn tigızgen jüie. Sol sebeptı būl jüie bızge qajet. Bıraq täjıribe jüzınde keibır jerlerın dūrystau kerek. MÄMS jüiesın özgertu konsepsiiasyn 11 nauryzǧa deiın Ükımet basşysyna ūsynatyn bolamyz. Eŋ bastysy halyqqa qol jetımdı sapaly medisinalyq qyzmet körsetudı engu bızdıŋ eŋ negızgı maqsatymyz bolyp otyr», – dedı ministr."Adyrna" ūlttyq portaly
Ūqsas jaŋalyqtar
