Ükımettıŋ «Qazaqstan Respublikasynyŋ aumaǧynda uaqytty esepteu tärtıbı turaly» Qaulysyna säikes 2024 jylǧy 1 nauryz saǧat 00:00-den bastap eldıŋ bükıl aumaǧynda bıryŋǧai saǧattyq beldeu belgılenedı (UTC+5).
Astana, Almaty, Şymkent qalalarynyŋ, Aqmola, Almaty, Jambyl, Qaraǧandy, Qostanai, Pavlodar, Soltüstık Qazaqstan, Türkıstan, Şyǧys Qazaqstan oblystarynyŋ jäne Abai, Jetısu, Ūlytau oblystarynyŋ äkımdıkterı 2024 jylǧy 29 aqpannan bastap 2024 jylǧy 1 nauryzǧa qaraǧan tünı (saǧat 00:00-de) jergılıktı uaqytty 1 saǧat keiınge şegeredı.
Aita keteiık, Qazaqstanda uaqytty esepteu mäselelerı boiynşa jūmys tobyna kırgen qazaqstandyq ǧalymdar men sarapşylar Bıryŋǧai uaqyt beldeuın qūrudy ūsyndy.
Jūmys toby 2023 jyldyŋ säuır aiynda qazaqstandyqtardyŋ neǧūrlym qolaily uaqyt beldeuıne köşu turaly bırneşe ret ötınışterıne bailanysty qūryldy. Oǧan ǧylymi instituttardyŋ, medisinalyq joǧary oqu oryndarynyŋ, ortalyq jäne jergılıktı memlekettık organdardyŋ ökılderı, Parlament deputattary jäne t. b. kırdı.
Jyl boiy medisina, fiziologiia, geografiia, metrologiia siiaqty türlı baǧyttardy ūsynatyn jūmys tobynyŋ müşelerı Qazaqstan aumaǧynda qolaily uaqyt beldeuın belgıleu mäselesın zerttedı.
Jūmys tobynyŋ qatysuşylary UTC+5 Bıryŋǧai uaqyt beldeuıne köşu Qazaqstannyŋ köptegen öŋırlerı şynaiy(tabiǧi) uaqytqa barynşa jaqyn uaqytty paidalanatyn eŋ dūrys jäne oŋtaily nūsqa bolyp tabylady degen pıkırge kelıstı.
Būl rette jūmys toby halyqaralyq täjıribenı zerdeledı, onyŋ barysynda bıryŋǧai uaqyt beldeuı älemnıŋ 175 elınde qoldanylatyndyǧy anyqtaldy, al bırden köp uaqyt beldeuınde nebärı 22 memleket tūrady.
Uaqyt beldeuınıŋ auysuyna qalai beiımdeluge bolady?
Alǧaşqy künderı aǧzaǧa köbırek ūiqy berıp, mümkındıgınşe ūiqynyŋ ūzaqtyǧyn bır saǧatqa ūzartqan dūrys, sonymen qatar dūrys tamaqtanu rejimın saqtau kerek (maily, aşy, ystalǧan taǧamdardy, fast-fudty, tättılerdı alyp tastaŋyz), därumenderge bai taǧamdarmen baiytyŋyz. Taza auada köbırek qozǧalu jäne seruendeu, şamadan tys jüktemenı azaitu, äsırese balalar men qart adamdar, osylaişa käsıbi jäne tūrmystyq jüktemenı azaitu paidaly bolady. Balalarǧa qatysty balaǧa köbırek köŋıl bölu jäne onyŋ qyŋyrlyǧyna tözımdılık tanytu. Egde jastaǧy adamdarǧa ūiyqtar aldynda jeŋıl seruendeuge, şamadan tys fizikalyq belsendılıkten aulaq boluǧa, qan qysymyn baqylauǧa keŋes berıledı.Sozylmaly aurulary
1 nauryzǧa deiın jolauşyǧa ne bılu kerek?
QR Kölık ministrlıgı körşıles temırjol äkımşılıkterımen jäne «Qazaqstan temır joly ŪK» AQ qatysuşy qyzmetterımen bırlesıp jolauşylar poezdarynyŋ qozǧalys kestesıne özgerıster engızu boiynşa jūmystar jürgızdı. Jolauşylar poiyzdarynyŋ barlyq özgerısterı resmi saittar men internet-resurstarda qol jetımdı.
Jolauşylardy uaqtyly habardar etu üşın qyzmetkerler arasynda QR boiynşa Bıryŋǧai uaqyt beldeuıne köşu kezınde jolauşylar jäne qala maŋyndaǧy poezdardyŋ jüru tärtıbı turaly tiıstı nūsqamalar jürgızılude.
Jolauşylar anyqtamalyq aqparatty 1433 nömırı boiynşa «Jolauşylar tasymaly» AQ bıryŋǧai telefon anyqtamalyq qyzmetı arqyly nemese @KTZH_PP_BOT Telegram botynyŋ kömegımen tegın ala alady.
Azamattarǧa qolaily jaǧdai jasau üşın aviakompaniialar tarapynan aviakompaniialardyŋ resmi saittarynda jäne äleumettık jelılerınde barlyq qajettı aqparattyq qoldau körsetedı.
Atap aitqanda, Air Astana, SCAT jäne Qazaq Air aviakompaniialary aviabiletterdı satu jüielerıne barlyq qajettı özgerıster engızdı, sondai-aq barlyq jolauşylarǧa tiıstı habarlamalar joldandy.
29 aqpannan 2 nauryz aralyǧynda Qazaqstannyŋ Aviasiialyq äkımşılıgınıŋ jedel ştabynyŋ negızınde 8 7172 798214, 8 7172 798213 nömırlerı boiynşa «jedel jelı» jūmys ısteitın bolady. Sondai-aq, reistıŋ özektı märtebesın naqtylau üşın jolauşylar äuejaidyŋ anyqtamalyq qyzmetterıne jäne Air Astana aviakompaniialarynyŋ Call-ortalyqtaryna kelesı nömırler boiynşa 8 727 244 44 77, 8 7172 58 44 77, 8 702 702 44 77; FlyArystan 8 727 331 1010 (WhatsApp 8 702 702 0227); SCAT 8 7252 99 88 80; Qazaq Air 8 727 356 14 14 jügınuı kerek.
Saǧatty auystyru kezınde gadjetter men tehnikany qalai daiyndau kerek?
Qazaqstan Respublikasy Sifrlyq damu, innovasiialar jäne aeroǧaryş önerkäsıbı ministrlıgı qazaqstandyqtarǧa olardy jaŋartu jäne jaŋa uaqyt beldeuıne uaqtyly köşu üşın ämbebap nūsqaulyqty ūsynady.
Būl jaŋartulardy almaǧan azamattar olardyŋ joqtyǧynan alaŋdamauy kerek. Qūrylǧylardyŋ baǧdarlamalyq jasaqtamasyn soŋǧy nūsqasyna deiın jaŋartu qajet.
Avtomatty jaŋartu, parametrlerde uaqytty avtomatty türde anyqtau jäne internet bailanysy qosylǧan kezde-uaqyt avtomatty türde özgeredı, eger joq bolsa – qolmen özgertu kerek.
Jalpy ūsynystar:
1. İnternet bailanysyn tekserıŋız. Uaqytty avtomatty türde jaŋartu üşın qūrylǧy jelıge qosyluy kerek.
2. Uaqytty avtomatty türde jaŋartudy qosyŋyz. Köptegen qūrylǧylar jelılık uaqyt qyzmetterın paidalanyp kün men uaqytty avtomatty türde jaŋartuǧa mümkındık beredı.
3. Qūrylǧyny öşırıp qaita ıske qosyŋyz. Keide özgerısterdı qoldanu üşın öşırıp qaita qosu qajet.
Operasiialyq jüieler boiynşa nūsqaulyq
Windows
1. «Basqaru taqtasy» > saǧat jäne aimaq > Kün men uaqytty aşyŋyz.
2. «İnternettegı uaqyt» qoiyndysyna ötıp, parametrlerdı «Özgertu» tüimesın basyŋyz.
3. İnternet uaqytymen «Sinhrondau» opsiiasy ıske qosylǧanyna köz jetkızıp, «Qazır jaŋartu»tüimesın basyŋyz.
4. Eger avtomatty jaŋartu jūmys ıstemese, Kün men uaqyt qoiyndysyna ötıp, «Kün men uaqytty özgertu» tüimesın basyp, dūrys uaqytty qolmen ornatyŋyz.
macOS
1. Jüie parametrlerı > Kün men uaqytty aşyŋyz.
2. Kün men uaqytty avtomatty türde retteu opsiiasy taŋdalǧanyna köz jetkızıŋız.
3. Eger qolmen ornatu qajet bolsa, osy opsiiany alyp tastaŋyz jäne qajettı özgertulerdı qolmen jasaŋyz.
Android
1. Parametrler > Jüie > kün men uaqytty aşyŋyz.
2. Kün men uaqytty avtomatty anyqtaudy jäne avtomatty uaqyt beldeuın qosyŋyz.
3. Eger avtomatty ornatu jūmys ıstemese, osy opsiialardy öşırıp, kündı, uaqytty jäne uaqyt beldeuın qolmen ornatyŋyz.
iOS (iPhone i iPad)
1. Parametrler > Jalpy > Kün men uaqytqa ötıŋız.
2. Kün men uaqytty ornatu opsiiasy üşın avtomatty türdı qosyŋyz.
3. Qajet bolsa, būl opsiiany öşırıp, dūrys uaqyt pen kündı qolmen ornatyŋyz.
Qiyndyqtar tuyndaǧan jaǧdaida
• Amaldyq jüienıŋ jaŋartularyn tekserıŋız. Qūrylǧynyŋ OJ-nıŋ soŋǧy nūsqasyna deiın jaŋartylǧanyna köz jetkızıŋız.
• Basqa jelılık uaqyt qyzmetıne auysyŋyz. Keibır operasiialyq jüielerde balama uaqyt serverlerın taŋdauǧa bolady.
• Uaqyt beldeuınıŋ parametrlerın tekserıŋız. Ornalasqan jerıŋız üşın dūrys uaqyt beldeuı taŋdalǧanyna köz jetkızıŋız.
• Jelı parametrlerın tazalaŋyz. Keibır qūrylǧylarda jelı parametrlerın jaŋǧyrtu uaqytty avtomatty türde sinhrondau mäselelerın şeşuge kömektesedı.
• Qoldau qyzmetıne habarlasyŋyz. Eger mäsele şeşılmese, käsıbi kömek qajet boluy mümkın.
1 nauryz - Qazaqstanda Alǧys aitu künı. Būl mereke 2017 jyly sol kezdegı Prezident Nūrsūltan Nazarbaevtyŋ jarlyǧymen bekıtıldı. 2015 jyly Prezident Nazarbaev būl kündı köptegen halyqtar elge küştep qonystandyrylǧan kezde tözımdılık pen qonaqjailylyq tanytqany üşın qazaqtarǧa alǧys bıldıre alatyn künı dep jariialaudy ūsynǧan.
