Pákistannyń Lahor qalasynda ondaǵan adam áıeldiń kóılegindegń arabsha jazýdy Quran aıattary dep qatelesip, shabýyl jasaǵan. Ashýǵa býlyqqan halyq áıeldiń basyn almaq boldy. Bul týraly BBC jazdy, dep habarlaıdy “Adyrna” ulttyq portaly.
Aqparatqa sáıkes, kóılekte arab tilinde "halýa", ıaǵnı "tátti" degen bir ǵana sóz bolǵan.
Pákistan polıııasynyń habarlaýynsha, jeksenbi kúni Pendjab provınııasynyń astanasy Lahor qalasyndaǵy meıramhanalardyń birinde tutynýshy áıeldiń mańyna birneshe er adamnyń jınalǵany týraly habar kelip túsken. Polıııa qyzmetkeri Seıda Shehrbano ǵımarattyń janynan 300-ge jýyq adamdy kórgenin aıtady.
Áleýmettik jelilerde birneshe vıdeo jarııalandy. Beınejazbada meıramhananyń buryshynda betin qolymen jaýyp, qorqyp turǵan áıeldi anyq kórýge bolady. Taǵy bir vıdeoda áıeldi polıııa qyzmetkerleri qorshap, qalyń toptan qorǵap, ústindegi jazýy bar kóılegin sheshýdi talap etedi.
Tipti, adamdardyń Qudaıǵa til tıgizgen áıeldiń basyn kesýdi suraǵany kórsetilgen.
Aıta ketsek, Pákistan zańy boıynsha Qudaıǵa til tıgizgen adam ólim jazasyna kesiledi.
Polıııa qyzmetkeri meıramhananyń kireberisinde turyp, adamdardy tynyshtandyrýǵa tyrysqan, keıin áıeldi ózderimen birge alyp ketken. Jınalǵandar arasynda Pákistannyń óte konservatıvti ıslamshyl partııalarynyń biriniń jaqtastary bolǵan.
Qudaıǵa til tıgizdi degen kúdikke ilingen áıel polıııa bólimshesine jetkizildi. Onda shaqyrylǵan birneshe ıslam dintanýshylary onyń kıimindegi mátinniń Quranǵa esh qatysy joq ekenin rastady.
Polıııa tipti ıslam ǵulamalarynan áıeldiń kinásizdigin rastaıtyn beıne habarlama jazýdy surady. Al áıeldiń ózi bolǵan oqıǵa úshin keshirim surady.
"Meniń jaman nıetim bolǵan joq. Munym qate boldy. Biraq bolǵan jaǵdaı úshin keshirim suraımyn. Mundaı jaǵdaı qaıtalanbas úshin qoldan kelgenniń bárin jasaımyn", – dedi áıel.
Ol óziniń dindar musylman ekenin jáne Islamdy qorlaıtyn eshteńe jasamaıtynyn aıtty.
