Burynǵy Mádenıet jáne sport vıe-mınıstri Erlan Qojaǵapanov ustaldy. Bul týraly Antıkordyń baspasóz qyzmeti aıtty, dep habarlaıdy «Adyrna» tilshisi.
«Sybaılas jemqorlyqqa qarsy qyzmet sotqa deıingi tergep-tekserý sheńberinde Qazaqstan Respýblıkasynyń burynǵy Mádenıet jáne sport vıe-mınıstri aýyr sybaılas jemqorlyq qylmys jasady degen kúdikpen ustalǵanyn rastaıdy.
Qazirgi ýaqytta kúdikti Almaty qalasy Polıııa departamentiniń ýaqytsha qamaý ızolıatoryna qamaýǵa alyndy. Tergeý jalǵasýda»,—delingen habarlamada.
QR QPK-niń 201-babyna sáıkes ózge de aqparattyń jarııa etýge jatpaıtyny aıtylady.
Erlan Qojaǵapanov Mádenıet jáne sport vıe-mınıstri qyzmetin eki ret atqardy. 2017-2019 jyldary ol Mınıstr Arystanbek Muhamedıulyna, keıin 2021 jyly birneshe aı Mınıstr Dáýren Abaevqa orynbasar boldy.
Al 2021 jyldyń qyrkúıeginen 2022 jyldyń sáýir aıyna deıin Premer-mınıstrdiń keńesshisi qyzmetin atqardy.
Arystanbek Muhamedıulyna "bótenniń múlkin urlaýdy uıymdastyrǵany jáne oǵan kómekteskeni úshin" degen aıyppen aqpan aıynyń sońynda 11 jylǵa bas bostandyǵynan aıyrý týraly úkim shyqty. Oǵan sot “Óz orynbasarlarymen aldyn ala sóz baılasý arqyly 2017-2019 jyldar aralyǵynda "Álem murajaılary boıynsha Altyn adamnyń sherýi" halyqaralyq kórme jobasyn iske asyrý sheńberinde "E." JShS dırektorynyń orynbasary men býhgalteriniń kómegimen 1,5 mlrd. teńge somasyna baǵany kóterý jolymen, qyzmetter kórsetýdi jáne taýardy tıep-jóneltýdi is júzinde oryndamaı, asa iri mólsherde jumsaý jolymen qarajatty jymqyrǵan” degen aıyp taqqan.
Al bir kezde Mádenıet jáne sport mınıstri bolǵan Dáýren Abaev - qazir Qazaqstannyń Reseıdegi elshisi.
Antıkor ustalǵan Erlan Qojaǵapanovqa qatysty onyń keıingi qyzmetin kórsetpeı, vıe-mınıstrlik kezeńin ataǵan.
