Äleumettıŋ äleuetın arttyrudy dıttegen QR Prezidentı Qasym-Jomart Toqaev taǧy bır tyŋ bastama ūsyndy. Būl az qamtylǧan jäne köpbalaly otbasylardaǧy balalarǧa arnalǧan bılım granttarynyŋ sanyn köbeitu jäne mamandyqtary boiynşa studentterge arnalǧan stipendiialardy ūlǧaitu. Halyqtyŋ tūrmys deŋgeiın köteru maqsatynda tuyndaǧan būl tapsyrma aiasynda JOO-da 5 myŋ grant bölınedı.
Būǧan qosa, biylǧy 1 qyrküiekten bastap mamandyqtary boiynşa bılım alǧan studentterdıŋ şäkırtaqysy 30 paiyzy köterıledı. Äleumettık bastama mūnymen şektelmeidı. Memleket basşysy az qamtylǧan otbasylardan şyqqan balalarǧa äleumettık qoldau şaralaryn jüielı türde jürgızbek. Atap aitqanda, osyndai sanatqa jatatyn otbasylardyŋ balalaryna tegın ystyq taǧamdar beru men tasymaldaudy ūiymdastyru, mektepke qajettı zattarmen qamtamasyz etemız dep uäde berdı.
Aita keterlıgı, Memleket basşysy sauda-sattyq soǧystary men sanksiiaǧa qatysty Qazaqstan aldynda tūrǧan kürdelı mäselelerge qaramastan, halyqty äleumettık qoldau şaralaryn qolǧa alu jalǧasatynyn atady. «İgılık barşaǧa» degen ūstanymdy berık ūstanǧan Qasym-Jomart Kemelūlynyŋ būl igı qadamy studenterdıŋ sapaly bılım aluyna, eldıŋ erteŋıne senımmen qarauyna septıgın tigızbek. Esterıŋızge sala keteiık, Qazaqstanda täuelsızdık jyldarynda 2,8 million joǧary bılımdı maman daiarlanǧan. Salystyrmaly türde qarasaq, 1991 jyly joǧary bılımı bar adamdardyŋ sany 42 myŋ bolsa, 2018 jyly būl körsetkış 151 myŋ adamǧa jetken.
"Adyrna" ūlttyq portaly
