Prezident Qasym-Jomart Toqaev 2021 jyly 7 qazandaǧy № 67 Jarlyǧyna sai Ūlttyq jobalar tızımın bekıtken bolatyn. On ūlttyq jobanyŋ qatarynda «Qauıpsız el» jobasy eldegı qylmysty azaityp, onyŋ aldyn aluǧa baǧyttalǧan.
Alkogolge täueldılıkke, temekı şeguge, sybailas jemqorlyqqa qarsy sanany qalyptastyrudyŋ bırden-bır tetıgı dep qarastyrylatyn jobanyŋ nätijesı mardymdy dep aitu qiyndau, ärine. Öitkenı, künnen künge örşıgen sybailas jemqorlyq faktılerı kün sanap ösıp, adamǧa ziian keltıru, tıptı öltıruge deiın baryp jatqan qylmystardyŋ qatary qalyŋ.
Qoǧamdyq oryndarda tärtıptı nyǧaitudy közdeitın şaralardyŋ da bäseŋ jüruı saldarynan jasösprımıder arasyndaǧy qylmystyŋ örşuıne äkelıp otyr. Tıptı köşede jasöspırımderdıŋ adam sanasyna syimaityn qylymstarǧa baruy qauıptı jait. Bızge mūnyŋ barlyǧyn eskermesek bolmaidy.
Işımdık ışıp, otbasynyŋ berekesın ketırgen ata-analardyŋ öz balalaryna zäbır körsetuı de oilandyratyn jaǧdai. Ūlttyq jobanyŋ ūran küiınde qalyp qoimai, eldegı qylmysty zaitudaǧy maŋyzdylyǧyna basa män beretın kez jettı. Otbasyndaǧy erlı-zaiyptylardyŋ arasyndaǧy zorlyq-zombylyqtyŋ örşuı oilandyratyn jaǧdai. Statistikalyq körsetkışterge süiener bolsaq, Qazaqstanda jylyna 80 äiel zorlyq-zombylyqtyŋ qūrbany bolady eken. Mūndai soraqylyqtar otbasyndaǧy dau-damaidan bolǧan dep paiymdaǧannyŋ özınde, saralap qaraǧan adamǧa, äielder men balalarǧa tiıstı deŋgeide qorǧansyz bolyp otyrǧanymyzdy aŋǧartady.
Bır ǧana mysal, būrynǧy Ūlttyq ekonomika ministrı Quandyq Beşımbaev jūbaiy Saltanat Nükenovany jazym etuınıŋ özı qoǧamda dürbeleŋ tudyrdy. Qazaq otbasyndaǧy mūndai jan türşıgerlık oqiǧanyŋ oryn aluy qoǧamda äiel zatynyŋ qūqyǧynyŋ taptalyp otyrǧanyn däleldeidı.
Bız osy tūrǧyda halyqtyŋ pıkırıne qūlaq asqan bolatynbyz.
Farida İLIаSOVA, Ūlytau oblysy, Sätbaev qalasynyŋ tūrǧyny: – byltyrǧy jyldyŋ soŋyn ala eldıŋ jaǧasyn ūstatqan erlı-zaiyptylardyŋ arasyndaǧy auyr qylmystyq jaǧdai köbımızdı eseŋgıretkenı anyq. Būǧan deiın de sybailas jemqorlyqpen aiyp taǧylǧan Quandyq Beşımbaevtyŋ jūbaiyn qastandyqpen öltıruı Qazaqstan Respublikasynyŋ Zaŋyn eskermegendıgı dep sanauǧa bolady. Onyŋ qylmysyn aiǧaqtaityn dälelder de jariia boldy. Estuımızge qazır onyŋ ısı sotqa jetıp, alqabiler alqasyna jügınude eken. Memleket basşysy Qasym-Jomart Toqaevtyŋ halyqqa jaily, qauıpsız memleket qalyptastyramyz degen saiasatyna köleŋke tüsıretın mūndai qylmystar qataŋ jazalanuy kerek. Äiel men bala qūqyǧynyŋ taptaluyna köz jūma qarauǧa bolmaidy. Bır beşımbaevtyŋ ısı qūqyq qorǧau organdarynyŋ jūmysyn qataŋdatuǧa tetık bolady dep oilaimyn.
Baǧdat AITÖRENOV: student – Qoǧamda aqparattyq keŋıstık meilınşe keŋ aşylǧandyqtan bolar, qazır qylmystyŋ neşetürın körıp, şoşityn boldyq. Otbasyndaǧy erlı-zaiyptylardyŋ aiausyz zorlyq zoblyq faktılerı kün saiyn örşıp keledı. «Balam – bauyr etım» deitın qazaq qoǧamynda bala qūqyǧynyŋ taplatuyna deiıngı därejege tüstık. Būl ūltqa töngen qauıppen para-par dep bılemın. Kämelettık jasqa tolmaǧan jasösprımderdıŋ qiianatqa tüsuı elde zaŋnyŋ bosaŋdyǧynan dep bılemın. Qazaqstan – zaiyrly memleket. Ärkım öz qūqyǧyn qorǧauǧa müddelı.
«Qauıpsız el» ūlttyq jobasyn qabyldaǧan üş jylda azaiǧan qylmystyŋ qandai deŋgeide ekendıgın basa aitu qiyn şyǧar. Bıraq, közben körıp, qūlaqpen estıp jürgenımızdı saralasaq, jobanyŋ orta jolda «jortaqtap» qalǧanyn baǧamdaimyz. Naqty sözben emes, ıspen Qazaqstan azamattaryn zaŋ negızınde qorǧaityn uaqyt jettı dep oilaimyn.
Pıkırlerdı qortyndylai kele, elımızde adam qūqyǧyn qorǧau mäselesı öte özektı ekendıgın aŋdaimyz. Prezident pärmenımen bekıtılgen mūndai ūlttyq degen atau berılgen jobalardyŋ märtebesın arttyruda küştık qūrylymdar barynşa jūmysty küşeitıp, halyq arasynda keŋınen nasihat jūmystaryn jürgızgen abzal bolady.
Elımızde qylmystyŋ azaiyp, qauıpsız memleketke ainalamyz degen nietpen qolǧa alynǧan ūlttyq joba bızdı pūşpaqqa şyǧara ma?! Osy jaǧyn paiymdaǧan jön bolar...
