Bügıngı aşynǧan Arys tūrǧyndarynyŋ talaby barlyq jaǧynan oryndy jäne dūrys dep oilaimyn. Üiınen tek qana ış kiımımen jeŋıl jelpı qaşyp şyqqan halyq neşe kün bıreudıŋ üiınde ündemei otyrady dep oilaisyz, būlar endı osylai köşege şyqpaǧanda ne ısteidı...
Jalpy, bügın osy Şymdaǧy bolyp jatqan oqiǧalarǧa qarap, naqtyraq aitsam, ondaǧy jergılıktı äkımşılıktıŋ äreketıne qarap otyrǧanda, senesızder me, közıme aziialyq Bangladeş, Päkıstan elderı elestedı.
Bangladeş, Päkıstan syndy Aziianyŋ kedei, meşeu elderınde zılzala, su tasqyny siiaqty apattar jiı bolady eken. Sosyn būl elderde jergılıktı äkımşılıkter bebeldı dınbasylaryn ertıp, būndai apattardan soŋ dınşıl qaraŋǧy halyqqa "būl apattardyŋ bärı qūdaidan keletının, qaita tırınıŋ aman qalǧanyna şükırşılık qylyp, ary qarai tırşılık etudıŋ abzaldyǧyn" halyq köp jinalatyn jerlerde täptıştep tüsındırıp, jūrtqa sabyr aityp tarqatyp jıberedı eken. Al būlarda halyqtyŋ köp jinalatyn jerlerı - sansyz meşıtter men medreseler, ädette būl elderde meşıt sany mektep sanynan da köp bolady.
Apattyŋ saldarymen küresuge būndai kedei elderdıŋ qazynasynda ömırı qarajat bolmaidy jäne būlardyŋ baqytsyz halqynda jergılıktı ökımetke auyz aşu degen tüsınık atymen joq. Būl halyqtar būzylǧan, qiraǧan üilerın, kürkelerın şamasynşa jamap, jasqap itşılep ary qarai künın körıp jüre beredı eken.
Endı bügın Şymdaǧy meşıtke jinalǧan qauymdy mikrofon ūstap sabyrǧa şaqyryp uaǧyz aityp otyrǧan kısını körıp "oipyrai, mynau qandai jap - jas imam" dep taŋǧalyp otyrsam, senesızder me, būl imam emes, Şymkent äkımı bop şyqty!. Ekı - üş künnen berı Arystan aǧylyp kelıp jatqan halyqty qarsy alatyn ortalyqtar aşyp tastap, olardy ornalastyryp, sol ortalyqtardyŋ bosaǧasynda jymiyp tūratyn äkım meşıttıŋ törınde şırenıp otyr. Odan soŋ būlar namazǧa tūrdy.
Odan jinalǧan halyq arasyna sabyr aityp smanyp, şmanyp dınbasylary şyqty...
Naǧyz Bangladeş boldy!
Al endı osylardyŋ "elbasynyŋ tapsyrmasymen" dep jöŋkılıp qataryna ūmytylyp jürgen denı dūrys örkeniettı elderdegı būndai jaǧdailarda olardyŋ ädısterı, täsılderı tıptı basqaşa bolady eken.
Olar būndai jaǧdaida qūtqaruşy, äsker, polisiia bärın jūmyldyryp, eŋ aldymen ölıp - talyp halqyn qūtqaruǧa kırısedı. Sebebı, būl elderde adamnyŋ qūny qaşanda tym qymbat bolady. Odan tegın medisinalyq kömek, odan soŋ adam basyn tügendep esepke alady, osy apatqa bailanysty köptegen adam qabyldau ortalyqtary aşylady, halqy volonterı jūmyldyrady, apatty zalalsyzdandyru, onyŋ keltırgen şyǧynyn esepteu, halyqqa onyŋ ötemaqysyn töleu.....
Qysqasy, denı dūrys qalypty memleket, būndai jaǧdaida osyndai şaralar ūiymdastyrady eken.
Menıŋşe, osy şaǧyn ǧana Arys oqiǧasynda bızdıŋ memleket retınde şynaiy kelbetımız körınıp qaldy. Nazarbaevtyŋ otyz jyl aua teuıp "otyz eldıŋ qatary, elu eldıŋ qatary" dep jürgenı naǧyz dalbasa eken - bızdıŋ bügınde sol bangladeşterden eş aiyrmamyz joq, bız Bangladeşpız.
Oljas Äbıl
"Adyrna" ūlttyq portaly
