"Ýtıl alymy alynsyn" degen bir top qazaqstandyq arnaıy Astanaǵa keldi, dep habarlaıdy "Adyrna" tilshisi QazTag-qa siltep.
Bas kótergender Qazaqstannyń túrle óńirinen jınalǵan eken.
"Búgin biz – WhatsApp jáne áleýmettik jelilerdegi ár túrli toptardyń ákimshileri Astanaǵa Ónerkásip jáne qurylys mınıstrligimen sóılesip, alǵashqy salyqtyq tirkeýdi, kádege jaratý alymyn joıý boıynsha óz usynystarymyz ben talaptarymyzdy aıtý úshin keldik. Sebebi bul kádege jaratý jınaǵy qazaqstandyq avtoparkke tıimisz", - dedi zańger ári kólikke qyzyǵýshylardyń biri Erkebulan Qulbasov.
Astanadaǵy Ónerkásip jáne qurylys mınıstrligi ǵımaratynyń janynda jınalǵan bastamashyl top ýtıl alym avtoónerkásip salasyn damyta almaǵanyn aıtady.
"Biz qazir kádege jaratý jınaǵyn alyp tastaýdy, álemniń jetekshi elderimen teńestirýdi nemese múldem alyp tastaýdy talap etemiz. Sebebi bul bizdiń qazaqstandyq ekonomıkamyzdaǵy AITV aýrýy sııaqty. Bul tek avtokólik júrgizýshilerine ǵana qatysty emes, aýyl sharýashylyq júrgizýshileri, júk kólikteri, logıstıkany qamtamasyz etetin ónimder de bar",-dep esepteıdi Qulbasov.
Jınalǵandar olardyń tek qana ýtılsbordyń kúshin joıýdy talap etetin myńdaǵan qazaqstandyqtardyń atynan sóıleıtin ókil-ákimshiler ekenin atap ótti. Qazaqstan boıynsha ýtıl alymǵa qarsy 300-ge jýyq top bar ekeni de anyqtaldy.
Prezıdent Qasym-Jomart Toqaev "ÓKM Operatory" JShS-ni kádege jaratý alymyn júzege asyrýǵa monopolııalyq quqyǵynan aıyrýdy tapsyrǵan bolatyn. Ol muny shet elderdegideı memlekettik uıym jasaýy kerek ekenin atap ótti.
