"Tötenşe jaǧdaidan zardap şekken Arys tūrǧyndarynyŋ atynan söilegen bır top er men äiel adamdar, bügın rūqsatsyz şeru men miting ūiymdastyrdy. Olar özderınıŋ būl qylyqtarymen jol qozǧalysyna kedergı keltırıp, jolauşylardy ürkıtıp jäne qala tūrǧyndarynyŋ alaŋdauşylyǧyn tudyrdy ...
Şeruge şyqqandardyŋ tarapynan agressivtı mınez-qūlyqtar tırkeldı", - dep jazdy Danat Jūmin. Onyŋ aituynşa, qalaǧa kelgen azamattardyŋ bır bölıgı Şymkentten jer jäne tūrǧyn üimen qamtamasyz etıp berudı talap etken. "Qauıpsızdık küşterı mitingke şyqqandarǧa qarsy jappai küş qoldanudan bas tartty. Alaida, qūqyq qorǧau organdary būl jaǧdaidy mūqiiat qadaǧalap otyr jäne öz tarapynan eleulı zaŋsyz äreketterge jol bermeidı", - dedı äkım orynbasary. Onyŋ aituynşa, qala äkımı Ǧabidolla Äbdırahymov ekı ret narazylyq bıldıruşılermen kezdesıp, qoiylǧan talaptar men sūraqtarǧa jauap bergen. "Qazırgı uaqytta mitinge şyqqandardyŋ şamamen 90 paiyzy tarap kettı. Alaŋda tek bır top adam qalǧan. Şymkent qalasynyŋ tūrǧyndary men qonaqtarynan alaŋdamauyn sūraimyn. Bız qalanyŋ jäne tūrǧyndardyŋ qauıpsızdıgın qamtamasyz etuımız üşın resustarymyz jetkılıktı. Sondai-aq, qoǧamdyq tärtıptı būzuşylar tarapynan qandai da bır zaŋsyz äreketterdı toqtatu kerek", - dedı Jūmin.
Derekköz: https://kaz.tengrinews.kz/kazakhstan_news
"Adyrna" ūlttyq portaly
