Arys qalasynyŋ tūrǧyndary bügın, iaǧni 28 mausym künı taŋǧy 8.00-de qalaǧa kırgızıle bastady. 4 kün boiy Şymkent qalasy men oblystyŋ özge de audandaryndaǧy evakuasiialyq ortalyqtarda kün keşken tūrǧyndar ūiymdasqan türde avtobus kolonnalarymen tuǧan jerlerıne oraldy.
Qazırgı taŋda Arys qalasy men äskeri qoimada oq-därılerdı tazalau jäne qalany dezinfeksiialau şaralary aiaqtaldy. Tūrǧyndar ömırıne eş qauıp joq. Sondai-aq bügın ǧana QR Ekologiia, geologiia jäne tabiǧi resurstar ministrı Maǧzūm Myrzaǧaliev Arystaǧy atmosferalyq auanyŋ taza, su jäne topyraqtyŋ lastanbaǧanyn, radiasiianyŋ joqtyǧyn aitqan bolatyn.
Tūrǧyndar üiıne oralǧanda bekıtılgen qyzmetkerler foto-videofiksasiia jasap, şyǧyndardy esepteuge kömek beredı. Jaiǧasu barysynda oblystyq polisiia qyzmetkerlerı men därıgerler, tötenşe jaǧdai departamentı men qūzyrly mekemeler üzdıksız qyzmet körsetedı.
Sonymen qatar arystyqtarǧa qūrylys-jöndeu jūmystaryna kömek beru üşın elımızdıŋ barlyq öŋırınen 160 arnaiy brigada keledı. Ärbır oblysqa Arys qalasyndaǧy bölıngen sektorlar boiynşa jūmystar berıledı.
Aita keteiık, tūrǧyndardy kırgızu üşın Arys qalasy 17 sektorǧa bölıngen. Būl sektorlarǧa oblysymyzdyŋ audan, qala äkımdıkterınen 640 jauapty (1 audan - 40 adam) azamat bekıtıldı. Ärbır 10 üige 1 qyzmetkerden jauapty. Tūrǧyndardy jaiǧastyru kezınde osy azamattarǧa qaladaǧy köşe, aulalardyŋ belsendılerı kömek beretın bolady.
Apattan zardap şekken halyqqa Qazaqstannyŋ özge oblystarynan qajettı 150 tonna zat jinalǧan.
Türkıstan oblysy äkımınıŋ baspasöz-qyzmetı
"Adyrna" ūlttyq portaly
