Amandos Eltaiūly 1988 jyldyŋ 3-mausymynda Almaty oblysy, Kerbūlaq audanyna qarasty Nūrym auylynda düniege kelgen. T. Jürgenov atyndaǧy Qazaq Ūlttyq Öner akademiiasynyŋ "kinoteledramaturgiia" mamandyǧy boiynşa bılım alǧan. "Amandos jəne Men", "Bır adam üşın" atty jyr jinaqtarynyŋ avtory.
"JŪLDYZ QŪLAIDY"
Jūldyz qūlaidy, jūldyz qūlaidy!
Jıgıt em qūmar jūldyzǧa.
Jyrlarym menıŋ bır qyzǧa ūnaidy
Jaqpaidy bıraq bır qyzǧa.
Jūldyz qūlaidy,jūldyz qūlaidy.
Özendei ömır ötkızbei.
Jete almai maǧan bır qyz jylaidy,
Qaşady bır qyz jetkızbei.
Jūldyz qūlaidy, jūldyz qūlaidy.
Arqalap Aidy Kün kettı.
Kelbetım menıŋ bır qyzǧa ūnaidy.
Sol bır qyz sodan Qūrmettı.
Jūldyz qūlaidy,jūldyz qūlaidy.
Jūldyz ǧoi bır-bır ər adam.
Men üşın bügın bır qyz mūŋaidy.
Kınəlı bır qyz taǧy oǧan.
"Közderı sūlu kelınşek"
Syrşyl symbaty sezımge tūnǧan.
Syldyryndai aq būlaqtyŋ.
Taba almai kelem közınde tūrǧan,
Jauabyn jalǧyz sūraqtyŋ..
Taǧdyryma auyr talap qoiamyn.
Bıreudıŋ jary ol da özge
Qalamasam da qarap qoiamyn.
Moiyldai möldır sol közge.
Sūludy körmeu ol da syn bolar.
Jıgıtke mendei siqyrly.
Közderı mınsız bolǧasyn bolar.
Külkısı de onyŋ süikımdı.
Tırlıktıŋ närın tynystaǧanbyz.
Tarasyn osy än elge.
Ondai köz bızde jūmysta jalǧyz.
Ondai köz jalǧyz älemde.
Tabylsa jyrdyŋ biıkten orny.
Köterer jer bar jeŋılsek
Sözıme sūlu keiıpker boldy.
Közderı sūlu kelınşek
***
Esıkten kırıp keldıŋ.
"SOL ARU" sen şyǧar dep ümıttendım.
Näzık qana külkıŋe baǧyndyrdyŋ
Nazaryn zalda otyrǧan jıgıtterdıŋ.
Mınezıŋ de jaidarly, külkıŋ de aşyq,
Talai jandar syrtyŋnan mümkın ǧaşyq.
Izıŋe jūpar samal ılestırıp,
Maǧan qarai bettedıŋ sylqym basyp.
Jan tüspegen közımnıŋ aldyna ondai,
(O, qūdıret qadamyŋ oŋdy bolǧai!)
Qandai erlık jatty eken janaryŋda,
Jüregımdı qimylsyz qaldyrardai.
Sūlulyqqa bola ma sezım böget,
Salmaqtylyq jatqandai sözıŋde erek.
Qolyŋdy alyp ülgerdım qolymmenen,
Sol aru özıŋ be dep?!
(Ökınış joq būl künde ötken ıske)
Syrlar qalyp barady ätteŋ, ışte.
Qanatyŋa bır öleŋ bailap baram,
Än atyna ainalǧan Aq Perışte.
Bırınşı köşe
Kezdeskende közderıŋ külımsırep,
(Esımde joq ündemei tūruşy ma ek?!)
Qyzdy süiu ol kezde bylai tūrsyn,
Men qolyŋnan ūstaǧam bırınşı ret
Men boiyma sol kezden küş ap qappyn,
Esımde eken qysylmai qūşaqtappyn.
Sodan berı bılmeimın qanşa qyzǧa,
Senı qūşqan keudenı pyşaqtattym.
Baqytym eŋ basqadan būryn süigen,
Sen arqyly dalanyŋ gülın süigem.
Menıŋ solai bastalǧan mahabbatym,
Bırınşı köşedegı bırınşı üiden
Baqytym men sorymdy eselegen,
Menıŋ mūŋly küiımdı keşedı öleŋ.
Sol bırınşı köşenı köp oilaimyn,
Jürgen saiyn ər türlı köşemenen.
Köp nərsege jetkenmen bügın şamam,
Köp syr aitpai kettıppın būryn saǧan.
Ekınşı ret kezdesu jazylmapty,
Bırınşı köşedegı bırınşı adam.
"Bır jaryq ūstap aldym"
Bır jaryq ūstap aldym.
Qolǧa östıp ūstalmaidy nege Baqyt?!
Bır jaryq ūstap aldym.
Qap-qaraŋǧy köşemen kele jatyp.
Bır jaryq ūstap aldym.
Köp ızdegen jaryǧym osy jaryq.
Bır jaryq ūstap aldym.
Jerge tüsken jerınen tosyp alyp.
Bır jaryq ūstap aldym.
Jan az ba jaryq tappai jaŋylysqan.
Bır jaryq ūstap aldym.
Közımdegı jaryqpen şaǧylysqan.
Bır jaryq ūstap aldym.
Ülestırıp endı ony berem elge.
Bır jaryq ūstap aldym.
Tek jaryǧym, tek qana söne körme!
Qasymda keşe bıreu bar edı...
Qasymda keşe bıreu bar edı,
Keşe emes tıptı byltyrdan
Men üşın ol jan gül edı ädemı,
Üzuge ərkım ūmtylǧan.
Qasymda keşe bıreu bar edı.
Bır özı myŋǧa tatyǧan,
Ümıtke qūştar ünemı älemı.
Bolmysy bölek zatynan..
Bıreu bar edı keşe qasymda,
Oilaityn menı şarşamai.
Süidı eken menı neşe jasynda,
Süiıktı jandar däl solai..
Bar edı bıreu keşe qasymda,
Ketetın jiı maǧan kep.
Kütuşı em ony köşe basynda,
Küttırmei kelıp qalar dep.
Janymnyŋ neden jüdedı älemı,
Būl künde nege mūŋym köp,
Qasymda keşe bıreu bar edı,
Keşe bar edı,
bügın joq.
Sairandap barǧan sol öŋırdegı,
Jan edı erek zaty tym.
Bügın bar erten joq ömırdegı,
Bar bolyp qalǧan baqytym..
GÜL
Qauyzynan sorǧalap tūnyq bır mūŋ.
Japyraǧy jylady synyq güldıŋ.
Özımdı ūmytylǧan gülge teŋep,
Işımnen külıp tūrdym.
Būiyrylmai qalaǧan adamyna,
Gül de mendei ainaldy jaralyǧa.
Qolyŋa alyp aialap iıskeu tügıl
Sausaǧyŋ da timedı au sabaǧyna.
Tabiǧattyŋ joǧaltyp bır boiauyn,
(Basyp kettı baiqamai
mūŋdy aiaǧym)
Erte köktep iesın tappai qalǧan,
Men üstelde kap koiǧan güldı aiadym.
Betke alyp qiyry joq şettı jūmaq,
Köz jasyn kök maisaǧa keptırıp ap.
Qolymnan susyp tüsıp nəzık taǧdyr,
Terezeden tömenge kettı qūlap.
Jalpaq əlem jaqqanda tüngı oşaǧyn
Bır ədemı əuenmen mūŋdasamyn.
Ūmytpai esıne alyp jürse eken dep.
Jüregımnen özıŋe gül jasadym.
QŪŞAQTA"
Qūşaqta!
Qūşaqta kömılıp qalsyn mūŋ.
Jaraly janyma jyp-jyly jalyn bop janşyldyŋ.
Möp -möldır közıŋnen qūlamai qap qoiǧan.
Men senıŋ yp-ystyq bır tüiır tamşyŋmyn.
Qūşaqta!
Qūşaqtau degenıŋ bırı ǧoi ūly ıstıŋ.
Kölemı keŋeisın alqymda tarylǧan tynystyŋ.
Demıŋdı demıme qosaiyn kel janym,
Jabyrqau jürekter jaqynnan ūǧyssyn!
Qūşaqta!
Aq qūba bılegıŋ oralyp moinyma,
Bır ǧajap sezımge balqysyn boi myna.
Jürektıŋ lüpılın tyŋdaşy syrtynan,
Qimylsyz qoldaryŋ tyǧylyp qoinyma.
Qūşaqta!
Aq jüzıŋ şaǧylyp aidaǧy jaryqpen,
Söz qūrap bereiın sybyrlap siqyrly ərıppen.
Qap-qara tünekke qūlap aq keteiık ekeumız.
Tabiǧat jaratqan qalyppen.
Qūşaqta!
Qūşaqtau degenıŋ taptyrmas Ūlylyq.
Jettım ǧoi özıŋe entıgıp sürınıp jyǧylyp.
Sen jaiǧan qūşaqta tūnşyǧyp ūiyqtap keteiın.
Məŋgılık közderım jūmylyp....
Ps:
Qūşaqta.
Amandos ELTAIŪLY
"Adyrna" ūlttyq portaly
