Bauyrjan Baibek almatylyqtarmen "qoştasqan" jazbasyn jariialady

Almaty qalasynyŋ būrynǧy äkımı Bauyrjan Baibek Almaty tūrǧyndaryna jürekjardy lebızın bıldırıp, elbasyna alǧysyn jetkızdı. Būl turaly Bauyrjan Baibek instagramdaǧy paraqşasynda jazdy. "Qūrmettı almatylyqtar! Özım tuyp-ösken Almatyǧa qyzmetke kelgenım künı keşe ǧana sekıldı edı. Mıne, 4 jyl öte şyǧypty. Osy kezeŋde süiıktı qalamyzǧa aianbai eŋbek ettım. Köptegen jobalardy bırlese ıske asyrdyq. ⠀ Maǧan ülken senım artyp, Almatynyŋ äkımı etıp taǧaiyndaǧan Elbasy Nūrsūltan Äbışūly Nazarbaevqa alǧysym şeksız. Atqarylǧan ärbır igı ıs Elbasynyŋ zor qoldauymen ıske asty. ⠀ Sondai-aq, Prezident lauazymyna kırıskennen ünemı qoldau bıldırıp, Almatyǧa arnaiy kelıp, metro jäne jolaiyryqtar qūrylysynyŋ qarqynyn üdetuge, qosylǧan audandarda infraqūrylymdy damytuǧa qoldau körsetken, sailaudan keiın menı qaita taǧaiyndaǧan Kasym-Jomart Kemelūly Toqaevqa ülken alǧys bıldıremın. ⠀ Qala äkımı qyzmetıne kırıse sala «Nur Otan» partiiasynyŋ basymdyqtary negızınde «Almaty-2020» baǧdarlamasyn äzırlep, ony qoǧammen tıkelei talqyladyq. Ol oidaǧydai ıske asuda. «Qala adamdar üşın» konsepsiiasy aiasynda bırqatar köşeler jaŋǧyrtyldy, öndırıs oşaqtary aşyldy, ekonomika örkendep, auqymdy investisiialar tartyldy. ⠀ Qyzmetımızdıŋ ülken bır baǧyty ūlttyq ruhty köteru boldy. Elbasy qoldauymen IýNESKO aiasynda Almatynyŋ 1000 jyldyǧyn atap ötıp,qalamyzdyŋ ötkenınen syr şertetın «Almaty muzeiın» aştyq. Osylaişa, Almatynyŋ myŋjyldyqtar būryn babalar salǧan altyn besık, atajūrt ekenın aişyqtadyq. Ūlttyq önerımızdı därıpteitın halyqaralyq şaralar ūiymdastyryp, bırqatar öner ordalaryn aştyq. ⠀ Endı bügın qarapaiym azamattardyŋ mūŋyn mūŋdap, joǧyn joqtap, özektı mäselelerdıköterıp kele jatqan, halyq pen bilıktıŋ arasyndaǧy däneker – «Nur Otan» partiiasy töraǧasynyŋ bırınşı orynbasary qyzmetıne taǧaiyndaldym. El tarihyndaǧy osynau jauapkerşılıgı mol tūsta senım artyp otyrǧan Elbasyǧa ülken alǧys aitamyn. ⠀ Halyqtyŋ memleketke jäne erteŋgı künge degen senımın arttyruǧa, el bırlıgın nyǧaituǧa, iaǧni Elbasy baǧdaryn ıske asyruǧa baǧyttalǧan partiia saiasatyn oryndauǧa bar küş-jıgerımızdı jūmsaityn bolamyz. ⠀ Barşaŋyzǧa yqylasymdy bıldıre otyryp, denderıŋızge saulyq, otbasylaryŋyzǧa amandyq tıleimın!" delıngen jazbada.