Ramazan aıynyń bastalýyna oraı Tájikstan prezıdenti Emomalı Rahmon jerlesterine sóz sóıledi. Dinı fanatızmniń kórinisteri elge qaýip tóndiretin nadandyqtyń bir túri ekenin eskertti. Bul týraly Tájikstan prezıdentiniń saıtynda aıtylǵan, dep habarlaıdy “Adyrna” ulttyq portaly.
Rahmon bilimdi dinmen almastyrýdyń qaıǵyly saldary bolýy múmkin ekenin basa aıtty. Prezıdent Tájikstan turǵyndaryn bilim men ǵylymǵa kóbirek kóńil bólýge shaqyrdy.
Tájikstan basshysy fanatızm ultqa tek qasiret ákeletin nadandyq ekenin atap ótti. Sondaı-aq ol Saýd Arabııasy, BAÁ, Katar, Kýveıt sııaqty keıbir musylman elderinde ǵylym men tehnologııanyń progress pen damýǵa yqpal etetinin, bul eskirgen uǵymdar men ıdeıalardy joıýǵa ákeletinin atap ótti.
