Saltanat Núkenova birneshe ret Bıshimbaevtan ketýge tyrysqan. Bul týraly Astana qalasy Qylmystyq ister jónindegi mamandandyrylǵan aýdanaralyq sotynda prokýror Aıjan Aımaǵanova málimdedi, dep habarlaıdy “Adyrna” ulttyq portaly.
Onyń aıtýynsha, Saltanat Núkenova Bıshimbaevtan birneshe ret ketýge tyrysqan, alaıda Bıshimbaev túzeletinin aıtyp sendirgen.
«2023 jyldyń 25 naýryzynda Núkenova Bıshimbaevtyń oǵan keltirgen dene jaraqatyn uıaly telefonyna fotoǵa túsirip, aǵasyna joldaǵan. Alaıda eshqandaı áreketke barmaýyn suraǵan. Sodan keıin aǵasy Núkenovadan ajyrasýdy suraǵan. Alaıda Núkenova Bıshimbaev tarapynan jaqsy qarym-qatynastyń qalyptasyp kele jatqanyn aıtyp, bas tartqan», - deıdi prokýror sot otyrysynda.
Eske salaıyq, búgin Astanada eks-mınıstr Bıshimbaevqa qatysty sot otyrysy ótti. Sot otyrysy barysynda eks-mınıstr Saltanat Núkenovany pornografııalyq vıdeoǵa túsýge májbúrlegeni belgili boldy. Birneshe bap boıynsha aıyp taǵylǵanymen Qýandyq Bıshimbaev qylmysty moıyndamaıtynyn aıtyp, sottyń ashyq bolýyn surady.
