Mádenıet jáne aqparat mınıstri Aıda Balaeva jazýshy Jumabaı Shashtaıulynyń qazasyna kóńil aıtty, dep habarlaıdy "Adyrna" tilshisi.
Mınıstr jazýshyny eske alyp, Facebook jelisinde jazba jarııalady.
Qazaqtyń qarymdy qalamgeri, abzal azamat Jumabaı Shashtaıulynyń ómirden ótýine oraı artynan qalǵan úlken áýlettegi barlyq baýyrlaryna, jaqyndary men týǵan-týystaryna qaıǵyra kóńil aıtamyn.
Jumabaı aǵa men úshin keýdesi qazyna, oıy tereń, isi ónege tulǵa edi. Jumaǵań ádaıym kisiligi men kishiliginen tanbaı, adamı bıik qasıetterimen, aqjarqyn qalpynda jadyrap júretin. Qalamy júırik qalamger retinde qoǵam júgin, el muńyn kótergen mazmuny tereń ótkir maqalalar, shoqtyǵy bıik shyǵarmalar jazyp, ult rýhanııatyna súbeli úlesin qosty. Sońynan erip, qolyna qalam ustaǵan jastarǵa rýhanı áke bolyp, shákirtteriniń shyraǵyn jaqty, talantyn ushtady. Olar barda aǵamyzdyń mol murasy, óshpes týyndylary eshqashan umytylmaq emes.
Aǵamyzdyń ǵıbratty ǵumyry, jarqyn beınesi jurtshylyq jadynda máńgi saqtalady dep senemin. Qasıetti Ramazan aıyndaǵy duǵa-tilekterimiz qabyl bolsyn. Marqumnyń jatqan jeri jaryq, topyraǵy torqa bolsyn", - dep jazdy mınıstr.
