Järdemaqy ösedı

1 şıldeden bastap erekşe qajettılıgı bar balalardyŋ qamqorşylaryna, sondai-aq, bala kezden bırınşı toptaǧy mügedekterge kütım körsetetınderge tölenetın järdemaqy köterıledı. Qazır mümkındıgı şekteulı balalary bar otbasylar eŋ tömengı künkörıs deŋgeiınıŋ 1,05 mölşerınde, iaǧni 31 183 teŋge järdemaqy alyp otyr. Aita ketsek, Qazaqstanda eŋ tömengı künkörıs deŋgeiı - 29 698 teŋge. Endı zaŋǧa engızılgen özgerısterge säikes, järdemaqy mölşerı 41 578 teŋgenı qūraidy. Jaŋa järdemaqyny 95 myŋnan astam adam alady. Järdemaqyny räsımdeu üşın Halyqqa qyzmet körsetu ortalyqtaryna barudyŋ qajetı joq. Järdemaqy esepteu prosesı qandai da bır qosymşa qūjatsyz avtomatty türde jürgızıledı. Järdemaqy är aidyŋ bırınen on besıne deiıngı aralyqta tölenedı.

Kedeilık şegı köterıledı

Şılde aiynan bastap elımızde kedeilık şegın ösıru josparlanyp otyr. "Kedeilık şegınıŋ mölşerın anyqtau turaly" būiryqqa engızıletın özgerısterge säikes, ol 20 prosentke ūlǧaiady. Iаǧni, kedeilık şegı eŋ tömengı künkörıs deŋgeiınıŋ 50 prosentınen 70 prosetıne deiın köterılıp, 20,8 myŋ teŋgenı qūraidy.

Poliseilerdıŋ jalaqysy artady

1 şıldeden bastap qūqyq qorǧau organdary qyzmetkerlerınıŋ ailyǧy ösedı. Patruldık polisiiada 65%-ke, al jedel-tergeu bölımşelerınde 55%-ke köterıledı. Al qalǧan kategoriiadaǧylardyŋ eŋbekaqysy 25%-ke ūlǧaiady.

Ūlttyq bank şeteldık kompaniialardy baqylauǧa alady

1 şıldeden bastap şeteldık qarjylyq emes ūiymdar Qazaqstannyŋ ūlttyq bankıne valiuta operasiialary turaly habar berıp tūrady. Jaŋaşyldyq "Valiutalyq retteu jäne valiutalyq baqylau turaly" zaŋǧa säikes engızılıp otyr.

Valiuta aiyrbastau punkterınıŋ jūmysy özgeredı

Jazdyŋ ekınşı aiynan bastap Qazaqstanda valiuta operasiialaryn ıske asyru tärtıbı özgeredı. Jaŋaşyldyq, eŋ aldymen, aiyrbastau punkterıne qatysty bolmaq. Būl özgerıster rezident zaŋdy tūlǧalardyŋ qolma-qol aqşasyz şeteldık valiutany satyp alǧanda, valiuta naryǧyndaǧy alypsatarlyqqa jol bermeuge baǧyttalǧan.

Käsıporyndar baqylau-kassalyq maşinalarǧa köşedı

2019 jyldyŋ 1 şıldesınen 86 qyzmet türı onlain baqylau-kassalyq maşinalaryn qoldana bastaidy. Jyl soŋyna deiın toqsan saiynǧy negızde 633 qyzmet türı BKM-ǧa auysady. Onlain baqylau-kassalyq maşinalaryn qoldanu talaby ortaq paidalanu telekommunikasiia jelılerı joq aumaqta qyzmetın jüzege asyratyn salyq töleuşılerge qatysty emes.

"Azamattarǧa arnalǧan ükımet" kommersiialyq zaŋdy tūlǧalardy tırkeidı

Bügınnen bastap kommersiialyq ūiym bolyp tabylatyn zaŋdy tūlǧalardy tırkeu, sondai-aq, olardyŋ filialdary men ökıldıkterın eseptık tırkeudı "Azamattarǧa arnalǧan ükımet" memlekettık korporasiiasy jüzege asyrady. Şaǧyn käsıpkerlık subektılerıne jatatyn zaŋdy tūlǧalardy bastapqy tırkeu tırkeletın organnyŋ qatysuynsyz egov.kz elekrondy ükımetınıŋ portalynda elektrondy formatta jürgızıledı. Funksiialardy beru respublikalyq biudjetten qarjy böludı talap etpeidı.

Jürgızuşı kuälıgın endı "Azamattarǧa arnalǧan ükımet" beredı

Qazaqstannyŋ ışkı ıster ministrlıgı 2019 jyldyŋ 1 şıldesınen bastap tırkeu-emtihan bölımşelerın taratady. Būl bölımşenıŋ funksiiasy "Azamattarǧa arnalǧan ükımet" memlekettık korporasiiasyna (HQKO men mamandandyrylǧan HQKO) berıledı. 1 şıldeden bastap jürgızuşı kuälıgın alǧysy keletınderden teoretikalyq jäne praktikalyq emtihandy HQKO qyzmetkererı qabyldaidy.

Temekı qymbattaidy

Ükımet qaulysyna säikes, 1 şıldeden bastap temekı taǧy 20 teŋgege qymbattaidy. Endı bır qorap temekınıŋ baǧasy 400 teŋge bolady.