Mädeniet jäne aqparat ministrı Quandyq Bişımbaevqa qatysty sot otyrysyna kırgızılmegen jurnalisterdı qoldady, dep habarlaidy "Adyrna" ūlttyq portaly.
Aida Balaeva basqarmanyŋ jurnalister qūqyǧyn şekteuge qarsy ekenın, baspasözde oqiǧalardy obektivtı türde jariialaityn aqparatqa erkın qol jetkızudı qoldaitynyn basa aitty.
«Būl rette keşegı sot otyrysynda arnaiy orynnyŋ bolmauyna bailanysty BAQ ökılderı sot otyrysyn belgılengen bölek bölmede otyryp kördı. Alaida BAQ ökılderıne tiıstı oryndar boluy kerek. Osy jaǧdaidy eskere otyryp, ministrlık müddelı memlekettık organdarmen bırlesıp, jurnalisterdı qajet oryndarmen qamtu jūmysyn jürgızetın bolady», - dep jazdy ministr Facebook paraqşasynda.
Balaeva sondai-aq "BAQ ökılderın sot prosesın jariialau kezınde bırqatar etikalyq aspektılerdı, atap aitsaq, zaŋ üstemdıgın, beitarap ädılettılıktı eskerıp, jalǧan aqparattyŋ taraluynan jäne kez kelgen formada sot qyzmetıne aralasudan saq boluǧa" şaqyrdy.
Eske sala keteiık, elordalyq jurnalister Astananyŋ qylmystyq ıster jönındegı mamandandyrylǧan audanaralyq sotynda polisiiaǧa aryz jazǧan bolatyn. BAQ ökılderı sot äkımşılıgınıŋ Bişımbaevtyŋ ısı boiynşa tyŋdau ötıp jatqan sot zalyna kırgızbei qoiǧanyna narazy boldy.
Ūqsas jaŋalyqtar
