Memleket basshysy Qasym-Jomart Toqaev Bas prokýror Berik Asylovty qabyldady, dep habarlaıdy «Adyrna» tilshisi Aqordaǵa silteme jasap.
Berik Asylov elimizdegi zańdylyqtyń jaı-kúıi jáne qadaǵalaý qyzmetiniń basym baǵyttaryna qatysty júrgizilgen jumystardyń qorytyndysy týraly esep berdi. Sondaı-ol quqyqtyq kómek kórsetý jáne shetelde jasyrynǵan qylmyskerlerdi izdestirý jónindegi halyqaralyq yntymaqtastyqtyń nátıjelerin baıandady.
Bas prokýror birqatar rezonans týdyrǵan qylmystyq is boıynsha kúdiktiler ustalyp, sot tóreligin júzege asyrý úshin Qazaqstanǵa qaıtarylǵanyn atap ótti.
Qasym-Jomart Toqaevqa aktıvterdi qaıtarý máselesi boıynsha Eýropa Keńesi, Interpol, EYDU jáne EQYU sııaqty bedeldi halyqaralyq uıymdarmen ózara túsinistikke qol jetkizilgeni jaıynda málimet berdi.
Berik Asylovtyń aıtýynsha, el ekonomıkasyna 2,7 trıllıon teńge salǵan 220 ınvestorǵa quqyqtyq kómek kórsetilgen. Atalǵan jumystyń nátıjesinde ınvestorlardyń memlekettik bılik ınstıtýttaryna degen senimi arta túsken.
Sondaı-aq prezıdentke elimizdegi krımınogendik ahýal jáne qylmystyq-quqyq salasyndaǵy azamattardyń konstıtýııalyq quqyqtaryn qamtamasyz etýge baǵyttalǵan sharalar týraly baıandady.
Qasym-Jomart Toqaev elimizde zańdylyqty odan ári nyǵaıtý jáne azamattardy, sonyń ishinde kásipkerlerdi qylmystyq elementterden qorǵaý sharalaryn qabyldaýdy tapsyrdy.
