مەملەكەت باسشىسى قاسىم-جومارت توقاەۆ باس پروكۋرور بەرىك اسىلوۆتى قابىلدادى، دەپ حابارلايدى «ادىرنا» ءتىلشىسى اقورداعا سىلتەمە جاساپ.
بەرىك اسىلوۆ ەلىمىزدەگى زاڭدىلىقتىڭ جاي-كۇيى جانە قاداعالاۋ قىزمەتىنىڭ باسىم باعىتتارىنا قاتىستى جۇرگىزىلگەن جۇمىستاردىڭ قورىتىندىسى تۋرالى ەسەپ بەردى. سونداي-ول قۇقىقتىق كومەك كورسەتۋ جانە شەتەلدە جاسىرىنعان قىلمىسكەرلەردى ىزدەستىرۋ جونىندەگى حالىقارالىق ىنتىماقتاستىقتىڭ ناتيجەلەرىن باياندادى.
باس پروكۋرور بىرقاتار رەزونانس تۋدىرعان قىلمىستىق ءىس بويىنشا كۇدىكتىلەر ۇستالىپ، سوت تورەلىگىن جۇزەگە اسىرۋ ءۇشىن قازاقستانعا قايتارىلعانىن اتاپ ءوتتى.
قاسىم-جومارت توقاەۆقا اكتيۆتەردى قايتارۋ ماسەلەسى بويىنشا ەۋروپا كەڭەسى، ينتەرپول، ەىدۇ جانە ەقىۇ سياقتى بەدەلدى حالىقارالىق ۇيىمدارمەن ءوزارا تۇسىنىستىككە قول جەتكىزىلگەنى جايىندا مالىمەت بەردى.
بەرىك اسىلوۆتىڭ ايتۋىنشا، ەل ەكونوميكاسىنا 2,7 تريلليون تەڭگە سالعان 220 ينۆەستورعا قۇقىقتىق كومەك كورسەتىلگەن. اتالعان جۇمىستىڭ ناتيجەسىندە ينۆەستورلاردىڭ مەملەكەتتىك بيلىك ينستيتۋتتارىنا دەگەن سەنىمى ارتا تۇسكەن.
سونداي-اق پرەزيدەنتكە ەلىمىزدەگى كريمينوگەندىك احۋال جانە قىلمىستىق-قۇقىق سالاسىنداعى ازاماتتاردىڭ كونستيتۋتسيالىق قۇقىقتارىن قامتاماسىز ەتۋگە باعىتتالعان شارالار تۋرالى باياندادى.
قاسىم-جومارت توقاەۆ ەلىمىزدە زاڭدىلىقتى ودان ءارى نىعايتۋ جانە ازاماتتاردى، سونىڭ ىشىندە كاسىپكەرلەردى قىلمىستىق ەلەمەنتتەردەن قورعاۋ شارالارىن قابىلداۋدى تاپسىردى.
