15-17 naýryzda Reseıde prezıdent saılaýy ótti. Ortalyq saılaý komıssııasynyń aldyn-ala málimeti boıynsha, 70-ten asqan Vladımır Pýtın 87%-dan astam daýyspen jeńiske jetti, dep habarlaıdy “Adyrna” ulttyq portaly
Pýtın jalpy daýystyń shamamen, 87,38%-yn ıemdengen. Onyń básekelesteri jalpy daýystyń shamamen, 13%-nan az alǵan.
Alǵashqy ekzıt-poldardyń nátıjesi Máskeý ýaqyty boıynsha saǵat 21:00-de jarııalandy. Onyń bári Vladımır Pýtınniń senimdi túrde jeńiske jetkenin jarııa etti.
Eske salsaq, 2018 jyly saılaýda saılaýshylardyń 67,54% daýys bergen. Bul joly resmı bılik daýys berýshilerdiń 74,22% saılaýǵa kelgenin habarlady.
Ýkraınanyń okkýpaııalanǵan oblystarynda da Reseı bıligi daýys berýdi uıymdastyrdy. Batys elderi ony birneshe ret Ýkraına egemendigin buzý dep atady. Reseı armııasy alyp jatqan Zaporoje terrıtorııalarynyń, sondaı-aq Herson, Donek jáne Lýgansk oblystarynyń turǵyndary saılaýǵa qatysýǵa májbúr boldy. Olarǵa qarýly áskerılerdiń súıemeldeýimen komıssııa músheleri kelgen.
2018 jyly ótken saılaýda Vladımır Pýtın 76,69% qorytyndy nátıjemen jeńiske jetken edi.
Aıta keteıik, saılaý ótken kúni Reseıdiń ártúrli qalasynda halyq narazylyǵyn bildirdi. Biri saılaý jáshigine suıyqtyq shashsa, endi bir qalada ýchaskege gaz shashyp ketken.
Eske salaıyq, aqpan aıynda reseılik oppozııoner Alekseı Navalnyı jazasyn ótep jatqan Iamalo-Nenek avtonomııalyq okrýginde qaıtys bolǵan edi. Ol túrmede otyryp, halyqty prezıdent saılaýyna qarsy mıtıngke shyǵýǵa shaqyrǵan bolatyn. Navalnyı óziniń jaqtastaryna qolda bar múmkindiktiń bárin paıdalanyp, saılaýǵa qarsy úgit-nasıhat júrgizip, saıası dodanyń bolmaýyna bar kúsh-jigerdi salý kerektigin aıtqan edi.
