17 naýryzda Reseıde Nemis ulttyq okrýgine qarasty Grıshkovka aýyly mańynda Shymkent-Novosıbırsk baǵytymen kele jatqan jolaýshylar avtobýsy aýdarylyp qaldy. Bul týraly Reseı Altaı ólkesi boıynsha TJM baspasóz qyzmetiniń málimdedi, dep habarlaıdy “Adyrna” ulttyq portaly.
Málimet boıynsha, avtobýs júrgizýshisi tizginge ıe bola almaı, kólik joldan shyǵyp ketip, avtobýs búıirine aýdaryp qalǵan.
“Oqıǵaǵa avtobýs júrgizýshisi tizginge ıe bola almaı qalýy sebep bolǵan. Avtobýsta 56 adam bolǵan - eki júrgizýshi jáne 54 jolaýshy, onyń ishinde úsh bala. 7 adam zardap shekken (jeńil jaraqat, zardap shekkender arasynda balalar joq). Barlyǵyn jedel járdem qyzmetkerleri tekserdi. Bir adam Slavgorod aýrýhanasyna jatqyzylǵan”, delingen habarlamada.
Avtobýs tek aýdarylǵan bolmasa, júrip tur. Ony júrgizýshiler Qazaqstanǵa alyp ketti. Al jolaýshylardy mejeli jerine jetkizý úshin basqa avtobýs berildi.
