Äleumettık jelıde beitanys äiel adamnyŋ jürıp kele jatqan avtobustan qūlap ketken videosy tarady, dep habarlaidy “Adyrna” ūlttyq portaly.
24 aqpan künı Instagram jelısınde jariialanǧan jazbadaǧy oqiǧa Astana qalasynda bolǧan. Kadrda beitanys äiel adam lyq toly qoǧamdyq kölıkke kırıp kele jatqanyn, artynşa esıkterdıŋ jabylǧanyn köruge bolady. Avtobus qozǧala bastaǧanda, esık qaitadan aşylyp, äiel adam salonnan qūlap ketedı. Jolauşy äiel avtobustan qūlap ketken soŋ esıkter qaita jabylyp, qoǧamdyq kölık öz jolyn jalǧastyra bergen. Al qūlap ketken jäbırlenuşıge ne bolǧany belgısız. Būl jaǧdai äleumettık jelı oqyrmandarynyŋ narazylyǧyn tudyrdy. Olar avtobustyŋ eşteŋe bolmaǧandai jürıp ketkenıne taŋǧaldy, al oqiǧaǧa kuä bolǧan er adamdar būl turaly jürgızuşıge habarlauǧa tyryspaǧan. Astanadaǧy kölık keşenın basqaratyn «Qalalyq kölık jüiesı» kompaniiasy būl oqiǧaǧa qatysty äzırge tüsınıkteme bergen joq.“Adyrna” ūlttyq portaly
Ūqsas jaŋalyqtar
