Áleýmettik jelide beıtanys áıel adamnyń júrip kele jatqan avtobýstan qulap ketken vıdeosy tarady, dep habarlaıdy “Adyrna” ulttyq portaly.
24 aqpan kúni Instagram jelisinde jarııalanǵan jazbadaǵy oqıǵa Astana qalasynda bolǵan.
Kadrda beıtanys áıel adam lyq toly qoǵamdyq kólikke kirip kele jatqanyn, artynsha esikterdiń jabylǵanyn kórýge bolady. Avtobýs qozǵala bastaǵanda, esik qaıtadan ashylyp, áıel adam salonnan qulap ketedi.
Jolaýshy áıel avtobýstan qulap ketken soń esikter qaıta jabylyp, qoǵamdyq kólik óz jolyn jalǵastyra bergen. Al qulap ketken jábirlenýshige ne bolǵany belgisiz.
Bul jaǵdaı áleýmettik jeli oqyrmandarynyń narazylyǵyn týdyrdy. Olar avtobýstyń eshteńe bolmaǵandaı júrip ketkenine tańǵaldy, al oqıǵaǵa kýá bolǵan er adamdar bul týraly júrgizýshige habarlaýǵa tyryspaǵan.
Astanadaǵy kólik keshenin basqaratyn «Qalalyq kólik júıesi» kompanııasy bul oqıǵaǵa qatysty ázirge túsinikteme bergen joq.
“Adyrna” ulttyq portaly
