Sözdıŋ de, mınezdıŋ de ädılı bolady. Ädıldık tek sotqa ǧana qatysty dünie emes. Ömırımızdıŋ är sätı, oiymyzdyŋ är tüiını, ıs-äreketımızdıŋ bärı ädıldıktı talap etedı.
Qūranda künde qaitalaityn tura jol degenımız osy mıne! Halyqty sabyrlyqqa şaqyrady ekensızder, onda ädıl bolyp, bilıktıŋ osy uaqytqa deiın jasap kelgen bylyǧyn da, barlyq salany jailaǧan jemqorlyqty da qosa aityŋdar.
Talan-tarajǧa tüsken bailyǧymyzdy aityŋdar. Toz-toz bolyp ketken auyldaǧy, qaladaǧy qazaqtyŋ müşkıl jaǧdaiyn aityŋdar.
Sailauda mūǧalımderdı maimylǧa ainaldarǧan ädıletsız jüienı aityŋdar! Jazyqsyzdan qamalǧandardyŋ bosatyluyn talap etıŋder!
Şeneunıkter men yǧai-syǧailardyŋ qazaq tılıne pysqyrmai, jappai orysşa şüldırlegenın aityŋdar. Künnen künge orystanyp bara jatqanymyzdy, qytaidyŋ yqpalyna tüsıp bara jatqanymyzdy aityŋdar.
Sonda senderdıŋ sözderıŋ ötımdı bolady. Sonda ädıl sözderıŋ üşın el sabyrǧa kelıp, bilık öz sabaǧyn alar. Äitpese är sözderıŋdı tapsyryspen iaki ūpai jinau üşın jazyp, aitatyndaryŋdy halyq körıp tūr.
Özderıŋdı ǧana jeksūryn etpei, dınnıŋ de qadırın ketırmeŋder.
Dın eŋ äuelı şynaiylyq pen ädıldıktı būiyratynyn ūmytpaŋdar!
Al būlai sözdıŋ ädılın aita almasaŋdar, danyşpansymai, qyzyl tılge salyp, tılmarlanbai tynyş otyryŋdar!
P.S.S. Qosanovtyŋ özıne sengen halyqty aldap ketkenın kördık. Men Qosanovqa dauys bermesem de halyqpen bırge aldanyp qalǧandai küige tüstım.
Halyq oǧan kınälı emes. Halyq şynymen özgerıstı qalady. Qosanovtyŋ ornyna basqa bıreu bolǧanda, soǧan dauys berer edı. Bolar närse boldy. Endı köterılıs jasap, özı ūtyldym, jeŋıldım dep tūrǧan adamdy küştep aparyp taqqa otyrǧyzbaitynymyz da tüsınıktı. Halyq qan tögıstı emes, tynyştyqty qalaidy.
Keşegı jaǧdaidan keiın bilık halyqtyŋ renışı men talabyn ūqty dep oilaimyn. Ary qarai Toqaevtan batyl da, şūǧyl tübegeilı reformany talap eteiık.
Sony jazaiyq, sony aitaiyq. Sony jetkızeiık. Sözı ötetın ataqty tūlǧalar, äigılı öner adamdary saraidy madaqtaǧandy qoiyp, osy baǧytta jūmyla jūmys ısteuı kerek.
Täuelsızdıgımızdı baiandy etetın, ūltymyzdyŋ mereiın üstem etetın, halqymyzdyŋ äl-auqytyn jaqsartatyn reforma kerek.
Polisiia, KNB memleketı emes, qūqyqtyq memleket jasauyn talap eteiık. Toqaev qazır qalai bolǧanda da tarihi amanatty arqalap alǧan tūlǧa.
Eger ol aldamşy piar-şoulardy qoiyp, şūǧyl türde tübegeilı reforma jasamasa, halyqty eşkım toqtata almaidy.
Qairat Joldybaiūly, dıntanuşy
