Almaty oblysyna qarasty Esik qalasynyń mańyndaǵy Bólek aýylynda Úlken Almaty kanalyn kesip ótetin kópirden 46 jastaǵy er adam qulap, qaıtys boldy, dep habarlaıdy "Adyrna" ulttyq portaly "Almaty telearnasynyń aqparatyna siltep.
Marqumnyń týystary máıitti qulaǵan jerinen ala almaı jatqandaryn aıtty. Al jyl saıyn 3-4 adam osy kópirden qulap qaza tabady degen jurt, "qylkópir" atalyp ketken bul ótkeldiń qurylys kórmegenine 10 jyl ótti deıdi:
«Qulap baryp, syrǵanap anaý turǵan betonǵa basyn jaryp, úıelep qalǵan. Artqa shyǵýǵa múmkindik joq. Úsh qyzy, bir uly bar. Bir úı azamatynan, asyraýshysynan aıyrylyp otyr. Narynqolǵa áke-sheshemizdiń janyna jerlep keldik», – dedi marqumnyń inisi Eljas Núsipov.
Buǵan deıin de talaı adam sýǵa ketip, denesin ázer taýypty.
«Birinshiden, bul kópir emes, «GıdroServıs» JShS balansynda turǵan ústinen sý ótetin qurylǵy. Al basqa mekemeniń balansynda turǵandyqtan, memleket tarapynan qarajat bólip, kópir salyp bere almaımyz. Demeýshi tabylǵan joq, izdep jatyrmyz», – dedi Eńbekshiqazaq aýdany Bólek aýyldyq okrýginiń ákimi Asyl Izıev.
Azamattar álgi qandy ótkelge quzyrly organ ókilderin shaqyryp, aryz jazdy. Kóp uzamaı aýdandyq prokýratýraǵa da shaǵym túsirmek. Turǵyndardyń aıtýynsha, bul máseleniń qozǵalǵanyna birshama jyl ótse de jabýly qazan, jabýly kúıinde qalyp otyr deıdi.
"Bárimizdiń kúıeýlerimiz nan tabamyn dep túzde júr. Biz úıde otyramyz. Bala-shaǵamyzdy sabaqqa jibererde qorqamyz. Kópirden ótemin dep, birnársege dýshar bola ma eken dep, únemi ýaıymdap otyramyz deıdi" aýyl turǵyndarynyń biri.
Posmotret etý pýblıkaııý v Instagram
