Taldyqorǧanda tört polisiia qyzmetkerı Qaŋtar oqiǧasy kezındegı azaptau ısı boiynşa kınälı dep tanyldy, dep habarlaidy "Adyrna" ūlttyq portaly Jetısu oblystyq prokuraturasynyŋ baspasöz qyzmetıne sıltep.
Nauryzdyŋ 18-ı künı Taldyqorǧan soty būrynǧy tört polisiia qyzmetkerıne Qaŋtar oqiǧasy kezınde azaptau faktısı boiynşa (QR Qylmystyq kodeksınıŋ 146-baby) qatysty ükımı şyqty. Qylmystyq ıstı Jetısu oblysynyŋ arnaiy prokurorlary tergegen.
«Memlekettık prokurorlar 2022 jyldyŋ 5 qaŋtary men 16 qaŋtary aralyǧynda Almaty oblysy IID ǧimaratynda qylmyskerlerdıŋ «fizikalyq küş körsetumen qosa tyiym salynǧan tergeu ädısterın» jasaǧanyn däleldedı. Zaŋsyz äreketterdıŋ saldarynan jetı jäbırlenuşınıŋ densaulyǧyna ärtürlı därejedegı jaraqattar keltırılgen», delıngen Jetısu oblystyq prokuraturasynyŋ resmi saityndaǧy habarlamada.
Sot ükımımen üş sottaluşy 4 jyldan 6 jylǧa deiıngı bas bostandyǧynan aiyrudyŋ ärtürlı merzımderıne sottalyp, olardyŋ bıreuı bas bostandyǧynan aiyruǧa bailanysty emes jazaǧa tartylǧan. Sondai-aq sot olardy şenderınen jäne memlekettık qyzmette jūmys ısteu qūqyǧynan aiyrdy.
Ūqsas jaŋalyqtar
