Almaty qalasyndaǵy Qarýly kúshterdiń Raıymbek batyr atyndaǵy desanttyq-shabýyldaý brıgadasy rotasynyń starshınasy 3-synypty serjant Seıitjan Asylbekovtyń otbasynda úshem dúnıege keldi. Bul týraly Qorǵanys mınıstrligi.jarııalady, dep habarlaıdy ”Adyrna” ulttyq portaly
Naýryz meıramy qarsańynda Almaty qalasynyń perınataldyq ortalyǵynan ol zaıyby men úshemin, ıaǵnı eki ul men bir qyzyn shyǵardy.
Seıitjan men Mınıra Asylbekovtardyń otbasynda on bir jasar qyzy Dıana ósip keledi. Uzaq ýaqyt boıy ata-analar ekinshi balanyń bolýyn armandaǵan. Endi Mınara úshemdi dúnıege ákeldi. Jubaılar uldarǵa Suńqar men Zańǵar, al qyzdaryna Syrǵalym degen at qoıdy.
“Áıelim úshemge aıaǵy aýyr ekenin bilgende qatty tań qaldym. Meniń de, onyń da tuqymdarynda egizder bar. Biraq eshkimde úshem joq eken. Men baqyttymyn. Ishimnen ul bolsa eken dep tiledim. Oıymdaǵym qabyl bolyp, birden eki ul, bir qyz ómirge keldi. Endi osyndaı otbasymnyń aldynda úlken jaýapkershilik turǵanyn da sezemin”, – dep qýanyshyn aıtty 3-synypty serjant Seıitjan Asylbekov.
Úshemniń dúnıege kelýi otbasynyń ómirin túbegeıli ózgertkendeı. Endi Asylbekovtar jataqhanadaǵy bólmeden keń páterge kóshedi. Al sábılerdi qaraýǵa ájeleri men áskerı qyzmetshilerdiń otbasy múshelerimen jumys qyzmeti kómektesedi.
