Qazirgi ishki ister mınıstri Erjan Sádenov Ishki ister mınıstrliginiń burynǵy basshysy Erlan Turǵymbaevqa qatysty qylmystyq is qozǵalǵanyn rastady, dep habarlaıdy “Adyrna” ulttyq portaly.
«Ishki ister mınıstrligi muny tekserip jatqan joq, sondyqtan bul jerde quzyrly organdar qandaı is, qandaı bap boıynsha tergeý ashqany týraly túsinikteme bere almaımyn, másele solardyń enshisinde», - dedi Sádenov sársenbide májilis alańynda.
Ǵalamtorda taraǵan aqparatqa sáıkes, Turǵymbaev Qańtar oqıǵasy boıynsha Bas prokýratýranyń tergeýine túsken.
Turǵymbaev Ishki ister mınıstrligin 2019 jyldyń aqpan aıynan bastap basqardy jáne qańtar oqıǵasynan keıin kóp uzamaı – 2022 jyldyń 25 aqpanynda qyzmetinen bosatyldy. Odan keıin 2022 jyldyń 17 tamyzyna deıin alty aıǵa jýyq prezıdent keńesshisi boldy, al 2023 jyldan bastap Shanhaı Yntymaqtastyq Uıymynyń Aımaqtyq terrorızmge qarsy qurylymynyń (ATQQ ShYU) keńesshisi retinde tirkelgen.
