Máskeýdegi terakt kezinde qaza tapqandardyń jańa tizimi jarııalandy. Onda 41 adamnyń derekteri bar, - dep habarlaıdy “Adyrna” portaly.
Máskeý oblysynyń densaýlyq saqtaý mınıstrligi Crocus City Hall-da bolǵan teraktide qaza tapqandardyń jańartylǵan tizimin jarııalady. Qaza tapqan 41 adamnyń jeke málimetteri anyqtaldy.
Foto: mz.mosreg.ru
Al Mash Telegram arnasy Krokýstaǵy lańkestik áreketten zardap shekken 44 adamnyń, onyń ishinde eki balanyń jaǵdaıy nashar ekenin habarlady. Zardap shekken taǵy 16 adamnyń, onyń ishinde bir balanyń jaǵdaıy tym aýyr.
Esterińizge sala keteıik, 22 naýryz kúni keshke Reseıdiń Krokýs Sıtı Hollynda belgisiz bireýler iri terakt jasaǵan bolatyn. Aldyn ala málimet boıynsha, ondaǵan adam qaza taýyp, 100-den astamy jaralanǵan. Krokýs Sıtı Holldaǵy teraktige baılanysty Qazaqstan azamattary úshin senim telefony ashyldy. Prezıdent Qasym-Jomart Toqaev Qazaqstan atynan Máskeýdegi Krokýs Sıtı Holldaǵy lańkestik áreketti qatań aıyptady. Aıta keteıik, Ýkraına lańkestik áreketke qatysy joqtyǵyn birden málim etti.
