Qazaqstan Prezidentı Qasym-Jomart Toqaev Reseidegı teraktıge bailanysty Qauıpsızdık keŋesınıŋ jedel otyrysyn ötkızdı, dep habarlaidy “Adyrna” ūlttyq portaly Aqordanyŋ baspasöz qyzmetıne sıltep.
«Prezident Qasym-Jomart Toqaevtyŋ töraǧalyǧymen Qazaqstan Respublikasy Qauıpsızdık Keŋesınıŋ şūǧyl otyrysy öttı. Memleket basşysy beibıt tūrǧyndarǧa qatysty Mäskeu oblysynda bolǧan zorlyq-zombylyq ärekettı taǧy da aiyptai otyryp, terrorizmge qarsy küreste Qazaqstannyŋ Reseimen bırge ekenın rastady», - delıngen senbıde jariialanǧan habarlamada.
Jiyn barysynda qūqyq qorǧau qūrylymdary men jergılıktı atqaruşy organdardyŋ jūmys jospary, sondai-aq ekstremaldy jaǧdailardaǧy olardyŋ qyzmetın üilestıru mäselelerı qarastyryldy.
“Prezident el azamattarynyŋ qauıpsızdıgın jäne terrorizmge qarsy küres maqsatynda Qazaqstannyŋ basqa memlekettermen jäne halyqaralyq ūiymdarmen yqpaldastyǧyn qamtamasyz etuge baǧyttalǧan bırqatar tapsyrma berdı” dep tolyqtyrdy Aqorda.
Ūqsas jaŋalyqtar
