Qyrǧyzstan Ūlttyq qauıpsızdık memlekettık komitetı el basşylyǧyna qastandyq jasamaq bolǧan transūlttyq ūiymdasqan qylmystyq top müşelerın ūstady. Būl turaly Kabar saity jazdy, dep habarlaidy “Adyrna” ūlttyq portaly.
“Şetel azamattary men memleketaralyq ızdeude boluy mümkın tūlǧalardyŋ arasynan ūiymdasqan qylmystyq toptardyŋ zaŋsyz äreketterın anyqtau jäne jolyn kesuge baǧyttalǧan jedel ıs-şaralardy ūiymdastyru barysynda transūlttyq ūiymnyŋ müşelerı - Äzerbaijannyŋ 5 azamaty anyqtaldy”, delıngen habarlamada.
Qyrǧyz Respublikasynyŋ ūlttyq qauıpsızdık organdarynyŋ nazaryna tüsken qylmystyq top: Aliev V.M., Bagirov S.A., Asgarov M.O., Behbudov M.S. Al Mamedov Z.İ.
Mälımetke säikes, qylmys älemınde "qaŋǧybas" degen laqap atymen belgılı M. Asgarov qylmystyq ortany nyǧaitu jäne ūrylar ideologiiasyn taratu, sondai-aq özınıŋ märtebesın arttyru maqsatynda memleket jürgızıp jatqan ūiymdasqan qylmystyq topqa qarsy belsendı küres saiasatyna bailanysty el basşylyǧyna qastandyq jasau üşın serıktesterımen qyrǧyz aumaǧyna kelgen.
Osyǧan bailanysty Qyrǧyz Respublikasynyŋ Ūlttyq qauıpsızdık memlekettık komitetı 2024 jylǧy 22 nauryzda jedel-ızdestıru şaralaryn jürgızıp, nätijesınde joǧaryda atalǧan tūlǧalardyŋ barlyǧy ūstaldy.
Qazırgı uaqytta olardy Qyrǧyz Respublikasynyŋ zaŋnamasyna säikes jauapkerşılıkke tartu boiynşa şaralar jürgızılıp jatyr.
Ūqsas jaŋalyqtar
