Qyrǧyzstan prezidentı eldegı dollarlyq milliarder men millioner turaly aitty, dep habarlaidy "Adyrna" ūlttyq portaly.
El prezidentı «Kabar» agenttıgıne bergen sūhbatynda millionerlerdıŋ köpşılıgı aqşasyn şetelde saqtaitynyn atap öttı.
«Ol üşın bız zaŋdastyru turaly zaŋ qabyldadyq. Bıraq olar osy uaqytqa deiın aqşasyn elge tolyq qaitarǧan joq. Qarajatty jartylai qaitaryp, qūrylys salasyna salyp jatqandar da bar», - dedı Japarov.Prezident ekonomika men memleketke paida äkeletın jobalardy qoldauǧa uäde berıp, auqatty adamdardy Qyrǧyzstanǧa investisiia saluǧa da şaqyrdy. Dälırek aitsaq, Japarov Tamşy äuejaiyna qarsy qonaqüiler saludy ūsyndy.
«Elde toǧyz qonaqüi salu josparlanuda. Bırınşısınıŋ qūrylysy bastalyp ta kettı. Qonaqüidı ekı jyldan keiın paidalanuǧa berudı talap ettım. Men otandyq investorlarymyz ben oligarhtarymyzǧa ündeu jasaimyn», – dedı prezident.Japarovtyŋ aituynşa, şeteldık investorlarǧa qaraǧanda otandyq investorlardan paida basymyraq.
«Öitkenı, taza tabys tolyǧymen bızdıŋ elde qalady. Bıraq syrttan kelgen investorlardan da zardap şekpeimız. Olar aqşa salady, jūmys oryndaryn aşady, salyq töleidı. Bıraq bärıbır özderıne taza kırıs alady», - dep tüsındırdı memleket basşysy.Jurnalistıŋ «Ūly Rustamnyŋ memlekettık ısterge qatysy bar ma?» degen saualyna Japarov jauap berdı. Onyŋ aituynşa, Rustam Ystyqköl oblysyndaǧy golf alaŋynyŋ qūrylysyna investorlar tartumen ainalysady.
«Kelesı jyly aşylady dep kütılude. Būl golf alaŋy bükıl Ortalyq Aziiadaǧy aumaǧy boiynşa eŋ ülken alaŋ bolady», - dedı prezident. Sondai-aq ol Rustamnyŋ Qyrǧyzstannyŋ är auylynda jaryqtandyrylǧan futbol alaŋdaryn salyp jatqanyn aitty.Osy sūhbatta negızgı saualdardyŋ bırı bolǧan Ūlttyq qauıpsızdık memlekettık komitetınıŋ töraǧasy Qamşybek Taşievtıŋ ūly Tai-Mūrastyŋ da eŋbegı aityldy. Prezident Japarov oǧan Özgendegı ainalma joldyŋ qūrylysy üşın alǧysyn aitty. «Bıraq bırde-bır kompaniia nemese jeke adam būl joldardy saluǧa niet bıldırgen joq, öitkenı investisiia ūzaq merzımdı perspektivada ǧana aqtalady. Sondyqtan «Tai-Mūras» kompaniiasyna Özgent ainalma jolyn salǧany üşın alǧys aitamyz. Bız oǧan osy jobaǧa investor ızdep, tauyp bergenı üşın alǧys aituymyz kerek», - dedı Japarov.
Ūqsas jaŋalyqtar
