Bügın, 24 nauryz Almatyda qazaq baqsylarynyŋ tūŋǧyş qūryltaiy öttı, dep habarlaidy “Adyrna” ūlttyq portaly Arasha.kz saityna sıltep.
Aqparatqa säikes, qūryltai dästür boiynşa adam janyn tazalaudan bastaldy. Ol üşın qobyzdan küi şertılgen.
Qūryltaidy tarihşy, jazuşy, aqyn, kompozitor, ssenarist, rejisser, telejürgızuşı, körıpkel Arman Nūrmūhanbetov jürgızdı.
Onyŋ aituynşa, Qūryltaidy ötkızuge daiyndalyp jatqanda türlı kedergıler bolǧan.
«Qūryltaidy ekı ädemı qyz jürgızedı dep josparlaǧanbyz. Bıraq bıreuınıŋ anasy auyryp qaldy, ekınşısı qorqyp şyqpady. Sondyqtan bügın Qūryltaidy özım jürgızemın dedı», – ol.
Arman Nūrmūhanbetov bügıngı Qūryltaidyŋ maqsatyna toqtalyp öttı.
«Bırınşıden, qasiet degen qūbylysty tıpten qasietı bar adamdar da tüsınbeidı. Qasiet arqyly aldymen em salamyz, jol aşamyz. Qasiet degen tereŋırek qūbylys. Mäselen, qasiet jyraularda bolǧan. Olar handarǧa tüiını joq sūraqtar boiynşa keŋes bergen. Qasiet degen Täŋırşıldıktıŋ negızı. Şeberler, aqyndar, jyraulardyŋ bärınde qasiet bolǧan, solar arqyly bızdıŋ mädenietımız qalyptasty, solar arqyly Ūly dalanyŋ örkenietı qalyptasty», – deidı Arman Nūrmūhanbetov.
Aita keteiık, baqsylyq – şamanizmnıŋ osy künge deiın jetken sarqyny. Baqsy dep özge tylsym älemmen bailanys ornatyp, ondaǧy türlı ruhtarmen bailanys jasai alatyn adamdy aitqan. Baqsylar «äulielerdı» «aruaqtardy», «perıştelerdı» şaqyryp, olarmen tıldese alady, adamnyŋ jaulary – däu,perı,şaitan, albasty, jyn, martu, taǧy basqa men küresedı degen senımde bolǧan. Baqsylarǧa tän erekşe qasietterdıŋ bırı – emşılık (täuıpşılık). Baqsylardyŋ bärı qobyz tartyp, zıkır salyp, türlı emder jasaidy. Onyŋ qamşysy tigen adamnyŋ denesıne kırgen şaitandar qaşyp, barlyq syrqatynan qūlan-taza jazylyp ketedı dep sengen.
Ūqsas jaŋalyqtar
