Sonymen bırge, Qaruly Küşterdıaqparattandyru jäne aqparattyq-kommunikasiialyq tehnologiia qūraldaryn paidalanu auqymyn keŋeitu, äskeri ǧylymdy damytu jäne ǧylymi-eksperimenttık bazany jetıldıru mäselelerıne jeke nazar audaryluda.Būl rette syni tūrǧyda oilauǧa jäne şeşım qabyldauǧa qabılettı, qazırgı zamanǧy ülgıdegı tehnikamen jäne qaru-jaraqpen jūmys ıstei alatyn kadrlardy daiarlau mäselesı de özektı bolyp otyr. Osy jūmysty küşeitu maqsatynda Täuelsız Memleketter Dostastyǧy elderınıŋ jäne alys şetelderdıŋ ǧylym-bılım beru mekemelerımen bailanysty keŋeitu maŋyzdy. Bız älemdegı äskeri-saiasi ahualdyŋ özgeruıne kuä bolyp otyrmyz. Odan ärı qorǧanys qabıletın nyǧaitu jönınde şaralar qabyldau qajettılıgı öŋırlık qauıpsızdıkke tönetın syn-qaterdıŋ bar ekenın aiqyn körsetedı. Qaruly Küşter üzdık qazırgı zamanǧy äskeri standarttarǧa säikes boluǧa maŋyzdy. Osy maqsatta äskeri qauıpsızdık salasynda normativtık qūjattar bekıtılgen. Qazaqstan Prezidentı – Joǧarǧy Bas qolbasşy 2021 jylǧy tamyzda Qaruly Küşterdıŋ, basqa da äskerler men äskeri qūralymdardyŋ qūrylysy men damu tūjyrymdamasyn bekıtkenı de belgılı.Osyǧan bailanysty, Qazaqstanda äskeri qauıpsızdıktı qamtamasyz etu üşın qajettı strategiialyq jäne baǧdarlamalyq qūjattar äzırlendı. Būl – 2021-2025 jyldarǧa arnalǧan Ūlttyq qauıpsızdık strategiiasynyŋ «Eldıŋ qorǧanys qabıletın nyǧaitu» bölımı, jaŋa El qorǧanysy jospary qūjattarynyŋ jiyntyǧy, jaŋa 2030 jylǧa deiın Qaruly Küşterdıŋ, basqa da äskerler men äskeri qūralymdardyŋ qūrylysy men damu tūjyrymdamasy.
Tūjyrymdamany ıske asyru tetıkterınıŋ bırı Prezident bekıtken «Qauıpsız el» ūlttyq jobasy bolyp tabylady. «El Prezidentı Qazaqstan halqyna Joldauynda öŋırdegı äskeri-saiasi ahualdyŋ özgeruın, odan ärı orta merzımdı kezeŋge arnalǧan memlekettıŋ äskeri qauıpsızdıgın ūiymdastyru paiymyn eskere otyryp, Äskeri doktrinany qaita äzırleu boiynşa tapsyrma berdı. Eldıŋ qorǧanys qabıletı, Qaruly Küşterdı qazırgı zamanǧyqaru-jaraqpen jäne äskeri tehnikamen jaraqtandyru, sondai-aq äskeri qyzmetşılerdı äleumettık qamsyzdandyru mäselelerı Joǧarǧy Bas qolbasşynyŋ basty nazarynda», - dep qorǧanys vedomstvosynyŋ basşysy atap ötken bolatyn. «Tūtastai alǧanda, şekara zastavalarynyŋ materialdyq-tehnikalyq bazasy men äleumettık obektılerınıŋ jai-küiın tekserudı Ūlttyq qauıpsızdık komitetınıŋ Şekara qyzmetı müddelı memlekettık jäne jergılıktı atqaruşy organdarmen bırlesıp tūraqty negızde jürgızedı. Tekseru qorytyndysy boiynşa uäkılettı organdar tiıstı ıs-şaralar qabyldaidy», - dep atap ötken bolatyr Ükımet basşysy. Būl derekterde ŪQK ŞQ äskeri qyzmetşılerı üşın qolaily tūrǧyn üi-tūrmystyq jaǧdailar jasau maqsatynda «Qauıpsız el» ūlttyq jobasynda şekara bölımşelerınıŋ 50 tiptık keşenın (äkımşılık ǧimarattardan, tūrǧyn üilerden, ashanalardan, kazarmalardan, tauarlyq-materialdyq qūndylyqtardy saqtau qoimalarynan, garajdardan, tūratyn qazandyqtar jäne basqalary) 2021-2025 jyldar aralyǧynda 71 mlrd teŋgeden astam somaǧa jobalau jäne salu jönındegı ıs-şaralar közdelgen bolatyn. Sonyŋ ışındegı «Qauıpsız el» ūlttyq jobasy mänı men maŋyzdylyǧy tūrǧysynan oiyp tūryp oryn alady desek bolady. Äsırese, qauıpsızdık mäselesı aldyŋǧy qatardaǧy özektı mäsele ekenın esten şyǧarmaǧan jön. Onyŋ üstıne, Qaruly Küşter zaman talabyna sai memlekettıŋ egemendıgı men aumaqtyq tūtastyǧyn, öz halqynyŋ ūlttyq müddesın qorǧauǧa ärqaşan daiyn boluy tiıs.
Joǧaryda aitqan «Qauıpsız el» ūlttyq jobasy baǧytynyŋ bırı – «Qaruly Küşterdı jaŋǧyrtu». Nätijesınde, asimmetriialy jäne gibridtı syn-qaterlerge toitarys beruge daiyn bolu, äskeri prosestı basqaruda jaŋa tehnologiiany engızu jäne avtomattandyru – osynyŋ barlyǧy bügınde maŋyzdy bolyp otyr.Mūnyŋ syrtynda Prezident ötken jyly Qaruly Küşterdıŋ, basqa da äskerler men äskeri qūrylymdardyŋ qūrylysy men damu tūjyrymdamasyn bekıttı. Ony ıske asyru memlekettıŋ qorǧanys qabıletın arttyruǧa, äskeri qauıpsızdıkke tönetın qazırgı zamanǧy syn-qaterge para-par den qoiuǧa jäne beibıt uaqyttyŋ mındetterın tiımdı oryndauǧa mümkındık beredı. Mūnyŋ barlyǧy keleşegımızdı jaŋa qyrynan aiqyndap, erkın de eŋselı ärı qauıpsız qoǧamǧa nyq qadam basuǧa tolyq kepıl bola alady.
