Öŋırlerde su tasqynyna qarsy ıs-şaralar belsendı jalǧasyp jatyr. Būl turaly Tötenşe jaǧdailar ministrlıgınıŋ baspasöz qyzmetı aitty, dep habarlaidy «Adyrna» tılşısı.
TMJ 1,7 mln astam tekşe metr erıgen sudyŋ sorylyp, 82 myŋnan astam qap pen 20 183 tonna inerttı material töselgenın atap öttı.
«Avariialyq-qūtqaru jūmystaryna jeke qūramynan 6 200-den astam adam, 1600-ge juyq bırlık tehnika, 630-ǧa juyq su aidau jäne jüzu qūraly, TJM, QM, ŪQK 6 äue kemesı jūmyldyryldy.
Jūmyldyrylǧan küşter men qūraldar Aqtöbe, Aqmola, Qostanai, Batys Qazaqstan oblystaryndaǧy 313 jeke tūrǧyn üiden, sondai-aq Aqtöbe, Aqmola, Qostanai, Batys-Qazaqstan oblystaryndaǧy 369 aula aumaǧynan, Aqtöbe oblysynyŋ 10 saiajai üilerınen su soru jūmystary jürgızude»,—delıngen habarlamada.
Ministrlıktıŋ mälımdeuınşe, Türkıstan, Aqtöbe, Qostanai, Batys Qazaqstan oblystarynyŋ su basqan eldı mekenderınen 2 054 adam evakuasiialanǧan, olardyŋ 613-ı bala.
Aita keteiık, respublikalyq jäne oblystyq jedel ştabtar, sondai-aq «Jedel jelı» telefondary jūmysyn jalǧastyruda: TJM 8 717 2 70 41 14, Aqtöbe oblysy TJD 8 713 2 54 86 57, Batys Qazaqstan oblysy TJD 8 711 2 55 40 88, Qostanai oblysy TJD 8 714 2 50 19 60, Aqmola oblysy TJD 8 716 2 52 55 14.
