Almatyda kúzetshini kólikpen qaǵyp, aıaýsyz urǵan er adamnyń ákesi eks-depýtat bolýy múmkin ekeni aıtyldy. Bul týraly Kozachkov offside telegram-arnasy jazdy, dep habarlaıdy «Adyrna» tilshisi.
«Eger meniń derekkózderim qatelespese, almatylyq kisi óltirýshi burynǵy depýtat pen prokýratýra qyzmetkeriniń uly bolýy múmkin. Bul asa qatygezdikpen adam óltirý me nemese abaısyzda bolǵan jaıt pa?»— dep jazdy jýrnalıst Mıhaıl Kozachkov.
Eske salaıyq, buǵan deıin Almatyda er adamnyń turǵyn úı kesheniniń kúzetshisin kólikpen qaǵyp, artynsha ólimshe etip sabaǵanyn jazǵan edik. Qalalyq polıııa departamenti jábirlenýshiniń aýrýhanada qaıtys bolyp, shabýyldaǵan er adamnyń ustalǵanyn málimdedi. Marqumnyń artynda 3 balasy qaldy.
