Reseıdiń Ýkraınaǵa basqynshylyǵy barysynda 49 myń 281 reseılik áskerı qyzmetkerdiń qaza tapqany rastaldy, dep habarlaıdy "Adyrna" ulttyq portaly halyqaralyq BAQ-qa siltep.
Sońǵy eki aptada qaza tapqan reseılik áskerıler tizimine taǵy 1580 adamnyń aty-jóni qosyldy. Tilshilerdiń málimetinshe, qaza tapqandar tiziminde armııa men basqa da kúsh qurylymdarynyń 3300-den astam ofıeri bar, onyń 386-sy podpolkovnık jáne odan joǵary shendegi adamdar.
«Medıazona» óz baıandamasynda «Vestk» basylymynyń Reseıde mobılızaııanyń jańa tolqyny daıyndalyp jatqanyna jáne Reseı Qorǵanys mınıstrligi jaqyn arada taǵy 300 myń adamdy soǵysqa jiberýdi josparlap otyrǵanyn jazdy.
Táýelsiz sarapshylar buǵan deıin de Vladımır Pýtın saılanǵan soń Reseıde jańa jumyldyrý bastalýy múmkin degen boljam aıtqan bolatyn. Alaıda Reseı Qorǵanys mınıstrligi ázirge mundaı josparlar joq dep sendirdi. Bul týraly Meduza habarlady.
Jýrnalıster óz erkimen soǵysqa shyqqysy keletin reseılikterdiń sanyn anyqtaý qıyn dep jazady.
«Bankterdiń soǵysqa qatysýshylarǵa beretin nesıelik demalystar týraly málimetinen soń halyqtyń tórtten biri ıaǵnı, kem degende 30 myń adam áskerge qosylatyny belgili boldy. Bul tek nesıesi bar jáne jeńildikti paıdalanǵysy keletinder ǵana», - dep atap ótti Mediazona.
Aıta ketý kerek, New York Times basylymy Ýkraınadaǵy soǵys bastalǵaly beri qaza tapqan jáne jaralanǵan ýkraınalyq jáne reseılik áskerılerdiń jalpy sany 500 myńǵa jýyq ekenin jazdy.
Al Amerıkanyń ortalyq barlaý basqarmasy reseılik shyǵyndy 315 myń adam dep esepteıdi.
AQSh Ortalyq barlaý basqarmasynyń basshysy Ýılıam Berns amerıkandyq Foreign Affairs basylymynyń 30 qańtardaǵy maqalasynda Reseı armııasynyń jalpy shyǵynyn, jaralanǵandaryn qosa alǵanda 315 myń adam dep jazdy.
