Ukrainadaǧy qaqtyǧysty «bır-ekı aidyŋ ışınde» retteuge älı de mümkındık bar. Būl turaly AQŞ prezidentı Donald Tramp CBS News telearnasyna bergen sūhbatynda aitty, dep habarlaidy «Adyrna» tılşısı.
Basşyǧa «Qaqtyǧysty bırneşe aida toqtatuǧa bola ma?» degen sūraq qoiyldy.
«İä, menıŋ oiymşa, bız mūny jüzege asyra alamyz»,– dedı Tramp.
Ol būǧan deiın bırqatar halyqaralyq qaqtyǧysty rettei alǧanyn atap öttı.
«Soǧysuşy taraptarǧa: «Eger soǧysty toqtatpasaŋdar, ekı elge de baj salyǧyn engızemın, sonda sender AQŞ-pen biznes jasai almaisyŋdar»,–deitınmın»,– dep tüsındırdı Tramp.
Aituynşa, Mäskeu Vaşingtonmen qarym-qatynasty damytudy qalaidy.
«Menıŋşe, Putin AQŞ-pen ıskerlık bailanys ornatqysy keledı», — dedı Tramp.
Būǧan deiın amerikalyq köşbasşy bırneşe ret Ukrainadaǧy soǧysty tez toqtata alatynyn aitqan. Mysaly sailaualdy nauqan kezınde ol «ukrain daǧdarysyn bır täulıkte şeşuge bolady» dep mälımdegen. Alaida keiın būl üderıske köbırek uaqyt keregın moiyndaǧan.
