Áleýmettik jeli men BAQ betterinde aty-jónin jasyrǵysy kelgen qaltaly azamat Ýkraına qarýly kúshterine qosalqy bólshekterge berý úshin qoldanystan shyǵarylǵan áskerı ushaqtardy Qazaqstannan satyp alǵany týraly habarlama tarǵan bolatyn. Bul aqparatty «Qazspeeksport» joqqa shyǵardy, dep habarlaıdy “Adyrna” ulttyq portaly.
Habarlamada 2023 jyldyń qazan aıynda Qazaqstan paıdalanýdan shyǵarylǵan 117 keńestik joıǵysh jáne bombalaýshy ushaqtardy aýkıonǵa qoıǵany atap ótilgen.
Aıta ketsek, «Qazspeeksport» kásipornyn Qazaqstan úkimeti elimizdiń Qarýly Kúshterin, basqa da áskerleri men áskerı qurylymdaryn qamtamasyz etý jáne qarý-jaraq pen áskerı tehnıkany, sondaı-aq áskerı múlikti ákelý jáne áketý salalarynda jumys jasaý maqsatynda qurǵan.
«Mindetti túrde joıý shartymen áýe kemelerin satý boıynsha barlyq aýkıondardy kásiporyn ýákiletti organ bergen tıisti lıenzııalary bar Qazaqstan Respýblıkasynyń zańdy tulǵalary arasynda qoldanystaǵy zańnama talaptaryna sáıkes júrgizdi, aýkıondarǵa qatysýǵa ruqsat etilmedi. Kádege jaratý proesi tolyǵymen teńgerim ustaýshylardyń baqylaýynda», - delingen «Qazspeeksport» saıtyndaǵy habarlamada.
Olar sondaı-aq «barlyq áýe kemeleri, olarǵa arnalǵan bólshekter men toraptardy kesý (bólý, usaqtaý) arqyly jáne olardyń bastapqy qalpyna keltirilýin boldyrmaıtyn basqa da ádistermen teńgerim ustaýshylardyń aýmaǵynda joıylady jáne tek aýmaqtan shyǵarylady» dep málimdedi.
Degenmen, ýkraınalyq BAQ-qa siltep aqparat taratqan Reseıdiń Avia.pro agenttiginiń búgingi habaryna qaraǵanda, Qazaqstan Ýkraınanyń qajettilikteri úshin AQSh-qa paıdalanýdan shyǵarylǵan 81 ushaǵyn satqan sııaqty.
Aqparatqa sáıkes, Qazaqstan eskirgen keńestik jaýyngerlik ushaqtardan bas tartyp, reseılik Sý-30SM kóp maqsatty joıǵysh ushaǵy sııaqty zamanaýı úlgilerdiń paıdasyna óziniń áskerı avıaııalyq parkin jańartý boıynsha belsendi jumys júrgizýde.
«Osy proestiń aıasynda Qazaqstan úkimeti keńestik dáýirdegi 117 joıǵysh jáne bombalaýshy ushaqtarǵa aýkıon jarııalady. Onyń ishinde 1970-1980 jyldary shyǵarylǵan MıG-31, MıG-27, MıG-29 jáne Sý-24. Lottyń jalpy quny 1 mlrd teńgege (shamamen 1,5 mln AQSh dollary) baǵalanady. Áýe kemesi paıdalanýǵa jaramsyz jáne olardy jańǵyrtý únemdi emes dep tanyldy»,- delingen aqparatta.
Kyiv Post atap ótkendeı, AQSh bul ushaqtardyń 81-in teńiz qurylymdary arqyly satyp alǵan. Bul ushaqtardyń túrleri ýkraındyq qyzmette bolǵandyqtan, olar aqyrynda Kıevke qosalqy bólshekter retinde nemese aerodromdarda mýlıaj retinde paıdalanýǵa beriledi dep boljanýda.
