Arys qalasynda bırde-bır balabaqşa jūmys ıstep tūrǧan joq. Jarylys kezınde bılım oşaqtary ǧimarattarynyŋ barlyǧyna da zaqym kelgen. Būl turaly qala äkımı Mūrat Qadyrbektıŋ qatysuymen ötken brifingte aityldy.
«Jarylystan öz üiıme de zaqym keldı» degen Arys qalasynyŋ äkımı aldymen halyqtyŋ baspanasyn jöndep beruge jaǧdai jasamaq eken. Tılşılerdı qūrylys barysymen tanystyrǧan Mūrat Qadyrbek qazır 700 — den astam üidıŋ jöndelıp jatqanyn jetkızdı. 180 baspana qalpyna keltırılgen. Jarylys kezınde qaladaǧy 30 balabaqşanyŋ barlyǧy bülıngen. Bilık ökılderı 10 kün ışınde sonyŋ jartysyn ıske qosamyz dep uäde ettı. Sūmdyq jarylystan halyq tek baspanalarynan ǧana emes mal-mülkınen de aiyryldy. Alaida şeneunıkter mülkın ötep bermesek te tūrǧyndardyŋ künkörısıne jarap tūrǧan mal şaruaşylyǧyn rettuge qolǧabys jasaimyz dep otyr. Al ötemaqy retınde berıletın 100 myŋ teŋge älı jyr bolmasa deŋız. Sebebı, osyǧan deiın qarajatty alu üşın «tūrǧyndarǧa eşqaida baryp, qūjat jinaudyŋ qajetı joq» degen atqamınerler halyqty äbıger etuge mäjbür eken. Ötemaqy jarylys kezınde zardap şekken qalaǧa japsarlas ornalasqan auyldyq eldımeken tūrǧyndaryna da tiesılı. Qūjat qabyldau merzımı şekteusız. Tūrǧyndar kez-kelgen uaqytta kömekke iek arta alady. Tek Arysta tūrǧylyqty tırkeude bolu kerek.Maqpal Rysbaeva
"Adyrna" ūlttyq portaly
