Búgin - kompozıtor, dırıjer, Halyq ártisi, Qazaqstannyń eńbek sińirgen óner qaıratkeri, Qazaqstan Memlekettik syılyǵynyń laýreaty, Halyq qaharmany Nurǵısa Tilendıevtiń týǵan kúni. Áıgili óner qaıratkeriniń týǵanyna 99 jyl tolyp otyr.
Ol 1925 jyly 1 sáýir kúni Almaty oblysy Ile aýdanynda dúnıege kelgen.
Almaty konservatorııasy (qazirgi Qurmanǵazy atyndaǵy Qazaq ulttyq konservatorııa) men Máskeý memlekettik konservatorııasyn bitirgen.
1952-1961 jyldary - Abaı atyndaǵy Qazaq memlekettik akademııalyq opera jáne balet teatrynyń dırıjeri, 1960-1964 jyldary - Qazaqtyń halyq aspaptar orkestriniń bas dırıjeri, 1968-1981 jyldary - «Qazaqfılm» kınostýdııasy mýzyka redakııasynyń bas redaktory. 1981 jyldan «Otyrar sazy» folklorlyq-etnografııalyq ansambliniń uıymdastyrýshysy ári kórkemdik jetekshisi qyzmetterin atqardy.
«Altyn taýlar» operasynyń (Q.Qojamııarovpen birge), «Dostyq jolymen» baletiniń (L.Stepanovpen birge), «Orteke» balet-poemasynyń, «Meniń Qazaqstanym» kantatasynyń, orkestrge arnalǵan «Poema», «Ata tolǵaýy», «Aqsaq qulan», «Aqqý», «Arman», «Mahambet», «Kósh kerýen» poemalary men «Halyq qýanyshy», «Qaırat», «Jeńis saltanaty» atty kirispelerdiń, 400-ge tarta án men romanstyń avtory. 50-den astam dramalyq qoıylymǵa, 19 kórkem fılmge, 17 mýltıplıkaııalyq fılmge, 14 derekti-hronıkalyq fılmge mýzyka jazdy. 1998 jyly kóz jumǵan.
Eki ret Eńbek Qyzyl Tý ordenimen marapattalǵan. Astana, Almaty qalalarynda Nurǵısa Tilendıev atyndaǵy kóshe bar. Almatyda óner qaıratkerine eskertkish turǵyzylǵan.
