Bügın, 5 şıldede Qazaqstan parlament palatalarynyŋ bırlesken otyrysy ötıp, altynşy sailanǧan parlament törtınşı sessiiasyn aiaqtady. Parlamentı mäjılısınıŋ töraǧasy Nūrlan Nyǧmatulin paralamenttıŋ demalysqa ketetının jariialady.
«Parlament elımız üşın, halqymyz üşın köptegen qajettı zaŋdardy qabyldady. Onda elbasy Nūrsūltan Nazarbaevtyŋ törtınşı sessiianyŋ aşyluynda bergen tapsyrmalary men Qazaqstan halqyna Joldauy basşylyqqa alyndy», - dedı Nyǧmatulin.
Ötken sessiia maŋyzdy tarihi oqiǧalarǧa toly bolǧanyn atap ötken ol atqarylǧan jūmystarǧa esep berdı.
«Sessiia barysynda qos palatanyŋ bes bırlesken otyrysy, mäjılıstıŋ 41 jäne senattyŋ 46 jylpy otyrysy öttı. Onda 319 maŋyzdy mäsele qaraldy. Jalpy, törtınşı sessiia bastalǧan kezden 83 zaŋ jobasy qabyldandy. Onyŋ ışınde 82 qūjatqa Memleket basşysy qol qoiyp, olar öz küşıne endı», - dedı mäjılıs töraǧasy.
Qabyldanǧan zaŋ jobalarynyŋ ışınde bırqatar dauly qūjattar bar.
20 nauryzdaǧy Astana qalasynyŋ atauyn Nūrsūltan dep özgertu turaly zaŋ jobasy da bar. Mäjılıstegı 103 deputat, senattaǧy 43 deputattyŋ barlyǧy būl ūsynysty bırauyzdan qoldady. Deputattar qala atauyn referendumsız özgertudı ūsynyp, al konstitusiialyq keŋes būl ūsynysty oŋ baǧalady.
Sonymen qatyr, doping qoldanǧan sportşylarǧa jaza qarastyrylǧan, "Dıni qyzmet pen dıni bırlestıkter turaly", "basşylar qyzmetkerlerınıŋ korrupsiialyq äreketterı üşın jauap beretın", «ıs-şaralarǧa jurnalisterdı qatystyru erejesın küşeitudı ūsynǧan», «Kinematografiia turaly» jäne taǧy basqa qūjattar bar.
Nūrlan Nyǧmatulin, ötken sessiiada parlamentte 20 ükımet saǧaty, üş parlamenttık tyŋdau, 24 «döŋgelek üstel» otyrysy, komitetterdıŋ 29 köşpelı otyrysy, sondai-aq tört halyqaralyq konferensiia ötkenın aitty.
Derekköz: kznews.kz
"Adyrna" ūlttyq portaly
