Aqtaýda ótken NOMAD MMA týrnırinde 17 jastaǵy sportshy qaıtys boldy. Bul týraly Lada.kz jarııalady, dep habarlaıdy “Adyrna” ulttyq portaly.
Aqparatqa sáıkes, qaıǵyly oqıǵa 31 naýryzda "Batyr" sport kesheninde NOMAD MMA boıynsha balalar, jasóspirimder, jastar jáne eresekter arasyndaǵy oblystyq chempıonat kezinde bolǵan.
Qaıtys bolǵan sportshynyń qarsylasymen jekpe-jegi túsirilgen vıdeo áleýmetti jelide tarap ketti.
The Nomad MMA federaııasynyń aıtýynsha, marqumnyń densaýlyǵynyń jaramdy ekeni týraly arnaıy medıınalyq anyqtamasy bolǵan.
"Jekpe-jek kezinde 17 jastaǵy sportshy qulap qaldy. Sportshyǵa alǵashqy kómekti "Batyr" sport kesheniniń medıınalyq qyzmetkerleri kórsetti, oqıǵa ornyna jedel járdem keldi, biraq, ókinishke oraı, jasóspirimdi qutqara almady. Týrnır bastalmas buryn jattyqtyrýshy ótinim bergen kezde qatysýshynyń jarysqa daıyndyǵyn rastaıtyn medıınalyq anyqtamasy boldy. Qazirgi ýaqytta tergeý júrip jatyr, onyń sheńberinde quzyretti organdar bolǵan oqıǵanyń barlyq mán-jaıyn zertteıdi", - dedi federaııa.
Aıta keteıik, Nomad MMA – aralas jekpe-jek stılindegi sport túri, onda jaýyngerler qolmen jáne aıaqpen soqqy tehnıkasyn, sondaı-aq kúres tehnıkasyn paıdalana otyryp, aıqasady. Jalpy týrnırge 300-ge jýyq sportshy qatysqan.
