Maiqaiyŋ-Altyn ken ornynda joǧalyp ketken ekı qyzmetkerdıŋ otbasyna bügınge deiın jalaqy tölenıp otyr, dep habarlaidy "Adyrna" tılşısı Orda.kz-ke sıltep.
Alaida otbasy olarǧa aqşa emes, marqūmdardyŋ mürdesın tauyp berudı sūraidy.
Joǧalǧan 36 jastaǧy qūtqaruşy Aidos Şaimerdennıŋ artynda ata-anasy, äielı men bes balasy qalǧan.
Joǧalyp ketken azamattyŋ äkesı qaiǧyly oqiǧadan keiın ekı ret insult alǧan. Marqūmdy joqtap Astanaǧa onyŋ otbasy men tuystary kelgen.
Aidos Şaimerdennıŋ jetı jasar ūly Ersūltan da Astanaǧa kelgen. Balanyŋ aituynşa ol äkesınıŋ astanany körsetuge uäde bergenın esıne tüsırdı. Jarynan aiyrylǧan Nūsrūlu Şaimerden:
«Künımız ben tünımız jylaumen ötedı. Qart äkesı insult alǧan, al anasynyŋ qan qysymy köterılgen. Jalǧyz ūly joq. Ony dūrystap jerlei de almadyq qoi», – dep jylaidy.4 qaŋtar künı avtobus apatynan ekı adamnyŋ denesı tabyldy. Alaida qūtqaruşy Aidos Şaimerden men qūtqaru jasaǧynyŋ jürgızuşısı Aiyp Tıleubergenov mürdelerı älı tabylmaǧan. Ökınışke orai, jerdıŋ opyrylyp qalu qaupıne bailanysty marqūmdardyŋ denesın ızdeu jūmystary toqtatylǧan. Izdestıru jūmystaryn jalǧastyru üşın Aidos Şaimerdennıŋ tuystary oblystyq prokuraturaǧa habar bergen. Alaida ol jaqtaǧylar sotqa aryz jazuǧa nemese odan ärı tau-ken jūmystarynyŋ qauıpsızdıgın qamtamasyz etu şaralary qabyldanǧanşa kütuge keŋes bergen körınedı.