Qarjy monıtorıngi agenttigi Qaırat Boranbaevtyń múlkin memleket menshigine qaıtarý sharalaryn qabyldaýda, dep habarlaıdy «Adyrna» ulttyq portaly.
«Qarajanbas Severnyı» ken orny memleket menshigine ótti. Onyń óndiristik parametrleri – quny 35,4 mıllıard teńge bolatyn 2,6 mln tonna munaı jáne 13,2 mln tekshe metr gaz bar 143 uńǵyma.
Boranbaev taýarlyq gazdy tasymaldaýmen jáne satýmen aınalysatyn naryqtyq quny 14 mıllıard teńgege jýyq «Azııa Gaz Chýndja» gaz taratýshy kompanııasyn memleket menshigine berdi.
Sonymen qatar quny 9 mıllıard teńge bolatyn «Servısnyı entr KazTýrboRemont» JShS munaı-gaz jabdyqtaryn óndirý jáne jóndeý zaýyty memleket menshigine ótedi. Kásiporyn jumysshylarynyń sany 740 adamdy quraıdy», - delingen habarlamada.
Bul nysandardyń barlyǵy memlekettik paıdasyna ótedi.
Esterińizge sala keteıik, Boranbaev 31 naýryzda segiz jylǵa bas bostandyǵynan aıyrylǵan bolatyn. 14 qyrkúıekte Qarjy monıtorıngi agenttigi Boranbaevtyń memleketke 120 mıllıard teńgeniń múlkin qaıtarǵanyn, al 15 qyrkúıekte kásipkerdiń bas bostandyǵynan aıyrý merzimi alty jylǵa deıin qysqartylǵanyn habarlady. 14 qazanda Boranbaevqa qatysy bar Mańǵystaý oblysyndaǵy Phystech II AQ munaı kompanııasynyń 100% akııasy memleketke berilgenin habarlady. 16 qazanda Boranbaevtyń quny 1,4 mlrd teńge bolatyn «Comfort Hotel Astana» qonaqúıin memleket menshigine ótkizgeni habarlansa, 17 qazanda kásipkerdiń shetelge aýdarylǵan 30 mlrd teńgeni Bilim berý ınfraqurylymyn qoldaý qoryna aýdarǵany belgili boldy. Sondaı-aq Astana, Almaty jáne Qostanaıda 34 mıllıard teńgege taǵy birqatar aktıvterdi memleket menshigine ótkizgen bolatyn.
